Governor´s Cup Marathon, Helena Montana, 7.júní 2008

...

Montana Governor's Cup Marathon Helena, MT USA , June 7, 2008  http://www.govcup.bcbsmt.com/

Ég svaf ekkert sérstaklega vel... var alltaf að bylta mér, en klukkan hringdi kl 5 og um 6 keyrðum við á startið.
Á leiðinni í hlaupið keyrðum við framhjá 3 dádýrum á beit í húsagarði.... inni í miðjum bænum. Við áttuðum okkur ekki á að stoppa og taka mynd... og þau voru farin þegar Lúlli keyrði framhjá í bakaleiðinni. 

Það var skítakuldi, en ekki lengi. Hlaupið var ræst kl. 6:30. Keppendur frekar fáir, sem fara heilt maraþon. Ég sem skráði mig í fyrradag var nr. 99. Leiðin var ekki spennandi, hlaupið langar beinar götur út úr bænum, stundum á malarvegi.

Það var búið að spá þrumuveðri í gær og skúrum í dag, en það rættist sem betur fer ekki. Við fengum sterkan mótvind eftir að við snérum við, þ.e. síðustu 11 mílurnar, síðan var nokkuð um brekkur á fyrstu og síðustu mílunum.

Á milli 14 og 15 mílu var snúið við og að hluta til farin sama leið til baka. Síðustu 10 mílurnar var ég samferða annarri konu og síðan bættist vinkona hennar í hópinn og gerðist þjálfari okkar. Hún var ekki í maraþoninu en hljóp með okkur síðustu 7-8 mílurnar.

Ég er nokkuð ánægð með minn tíma, 5:46:30 á mína klukku.  
(myndir birtar með góðfúslegu leyfi Bíðara nr.1)

Helena, Montana

Við komum snemma í bæinn. Mér hafði aldrei tekist að skrá mig í hlaupið hérna, vefurinn tók bara amerísk kreditkort. Ég var búin að biðja um hjálp við skráningu í gegnum kommentin... en fékk ekki svar, þess vegna var ekki um annað að ræða en að fara á staðinn. Vegna þessara skráningarörðugleika.... var ég ekki heldur búin að panta hótel.

En Guð er góður... ég var búin að tékka á netinu (í gær í Livingston) og það var allt orðið fullt hérna.... við vorum því meira en lítið blessuð að fá ódýrt og gott hótel, örskot frá startinu og ekki er verra... svona til tilbreytingar að markið er á svipuðum slóðum.  
Bíðarinn getur slappað af á hótelinu meðan ég skrepp hringinn á laugardaginn....

Þessa helgi er Music Festival.... í bænum eins og á svo mörgum öðrum litlum stöðum þar sem ég er að hlaupa.... í Burlington, Vermont var t.d. Jazz Festival.

Caring Foundation of Montana Governor's Cup Marathon & Relay, Half-Marathon, 10K, 5K
Helena, MT USA , June 7, 2008  http://www.govcup.bcbsmt.com/

Heilar og sælar

Mætti kl.18.00 til að hlaupa frá Lækjó, ekki sála að sjá. Hljóp Áslandið með Fluga. Frábært veður. Samkv. hlaupadagskrá Þóru H. er það Setbergið á morgun. Er að vinna til 18.00 ,þannig að ég kemst ekki fyrr en 18.30. kveðja Magga

Rock´N´Roll Marathon San Diego, 1.júní 2008

Rock 'n' Roll Marathon - San Diego, California, Sunday, jun 1 2008, kl 6:30
http://www.rnrmarathon.com/home.html 

Við vöknuðum kl. 4 í nótt, það mátti ekki seinna vera. Við erum stutt frá flugvellinum þar sem rúturnar eru og bílastæðin. Við vorum á síðasta snúningi kl 5.15, bílateppan var svo mikil, allir að koma á síðustu stundu. Annars væri hægt að skipuleggja þetta betur.... sleppa öllu þessu rútuveseni. Hlaupið hefði getað byrjað við annan enda flugvallarins og endað hinum megin og allir labbað til og frá bílum. Í staðinn voru rútur að keyra alla á byrjunarreit einhverjar mílur í burtu og svo endaði hlaupið 3 mílur frá flugvellinum... sem kostaði rútur á bílastæðin. 

En ég var heppin og náði í startið á réttum tíma, en Lúlli sagði að 5 mín eftir starttíma var fólk enn í stíflum á götunum. Leiðinni hafði verið breytt síðan ég hljóp hérna síðast (2003)....  veit ekki hvort það var til batnaðar því síðast var endamarkið nær og rútur á bílastæðin voru óþarfar.
Ég held þeir valdi illa þessum fjölda sem er farinn að safna músik-maraþonunum, þjónustan á leiðinni hafði dalað, ekki allt til á drykkjastöðvum, færri hljómsveitir og vesen með rúturnar. Sjálfboðaliðarnir á drykkjastöðvunum á leiðinni voru samt sem áður frábærir.

Eins og í síðast hlaupi vildi ég ekki skokka of mikið... fljótlega kom sólin og steikti okkur, gott að ég var með sólarvörn 50 eins og síðast.

Maraþonið mældist kílómeter of langt og ég kom í mark á 6:03:01 á mína klukku.

Í sól og sumaryl

Californía.... we Love it
Við erum í frábæru veðri hérna í San Diego,  alltaf gott veður hér.
Ferðasagan er á bryndissvavars.blog .is en hlaupafréttir hér.

Ég náði í gögnin fyrir morgundaginn og tek það rólega núna.

fimmtudagur

sælar, reikna með að hlaupa á morgun kl.17.30 hver kemur með ???? kveðja magga

KeyBank Vermont City Marathon, Vermont, 25.maí 2008

KeyBank Vermont City Marathon & Relay   Burlington, VT USA  May 25, 2008      http://www.runvermont.org 

Ég vaknaði klukkan 2:30 í nótt með dúndrandi höfuðverk og ógleði.... en var samt glöð. Hafði smá áhyggjur af því að hafa enga lyst fyrir hlaupið, sem byrjaði kl. 8:05.

Ekki var ég komin í langar vegalengdir fyrir hlaupið, svo ég reyndi að hlaupa ekki of mikið og ganga eins hratt og ég gat á milli.  Þetta er sannkallað brekkufylki.
Það voru sko MARGAR brekkur á leiðinni, en allt gekk vel.



Ég var 6:08:25.... á mína klukku og verð að vera hæst ánægð með það.
Það var 25 stiga steikjandi sól.    Svolítið of mikið.

Þjónustan á leiðinni og skipulagning var frábær og bæjarbúar hvöttu hlauparana stanslaust.
Burlington er mjög fallegur bær og sá snyrtilegast sem við höfum séð, hvergi rusl eða drasl.

Við fljúgum héðan kl. 6 í fyrramálið.

Í startholunum

Sælar,

Nú flatmögum við hjónin á móteli í St Albans í Vermont, 29 mílum norður af Burlington. Það er stór Jazz festival í Burlington til 8.júní og hvergi hægt að fá gistingu á almúgaverði. Við erum 35 mín. í burtu.... sem er ekkert mál í Ameríku. Sótti gögnin áðan fyrir maraþonið. Startið er kl. 8.05 í fyrramálið.

Nú ætlum við að reyna að horfa á Eurovision í tölvunni. Um að gera að slaka aðeins á.

Hlaup í dag

Sælar allar

Við hlupum þrjár í gær... ég, Magga og Þóra Hrönn....
Við fórum eftir áætlun Þóru Hrannar... Plan B  Áslandsbrekkurnar 

Veðrið var dásamlegt. Og það er ætlunin að hlaupa Setbergið í dag kl 17:30.

Byltur í frábæru formi

Sælar Byltur,

Ég hefði ekki náð á réttum tíma að Lækjarskóla... var við jarðarför kl 3 og þurfti síðan óvænt að redda barnabarni kl. 5.

Ákvað því að ,,hlaupa að heiman" (ég sem var næstum hætt því ) og fara Áslandshringinn öfugan. Þetta svínvirkaði, fór inn í hringinn við brúna við Ástjörn og þær voru endalausar þessar brekkur enda er þetta brekku-hringur .... svo þetta var virkileg tilbreyting og veðrið dásamlegt.

Byltuhópurinn hefur farið samviskusamlega í spretti, enda stefnum við alltaf á að bæta formið