Útúrdúrahlaup

Kom við í kirkju, á kjörstað í Víðistaðaskóla og í Hafnarborg... allt var þetta út frá Hrafnistuhringnum. Sólin var heit... of heit ef eitthvað var... en á maður ekki að vera þakklátur fyrir dýrðlegt veður :)

Hrafnistan var aðalatriðið en útúrdúrarnir voru um km samtals... 13,5 km í dag  

Mín að komast í gang aftur

Í þessu yndislega veðri er mín komin í gang aftur, búin að söðla reiðhestinn... í gær gleymdi ég mér alveg á hjólinu, hjólaði suður Reykjanesbrautina og kom heim kl 5... hélt ég hefði misst af Völu... ég er venjulega fyrir utan vinnuna hjá henni 4:45... en við náðum saman... og breyttum til, hlupum kringum Ástjörnina.  ég man ekki hvenær ég gerði það síðast. En þetta var kærkomin tilbreyting.

Hjólaði 20,3 km og hljóp með Völu... 7,2 km 

Í dag hjólaði ég í Reykjavík, þurfti að ná í pappíra inn í Háskóla og heimsótti pabba á Landspítalann í leiðinni. Veðrið var frábært, glampandi sól og blíða.

Hjólaði 33,1 km í dag :) 

Gamli góði hringurinn...

Ég kom heim í fyrradag, lét mér nægja að hjóla um 15 km í gær, en druslaðist út að hlaupa í dag. Fór gamla góða Hrafnistuhringinn... ein og það þurfti endilega að byrja að rigna þegar ég steig út fyrir dyrnar... Það var ausandi úrhelli... en maður er ennþá vatnsheldur ;)

Ég var alltaf komin of hratt og stoppaði nokkrum sinnum til að hægja á mér... Nú er bara málið að koma sér á rétt ról...

Hrafnistan með útúrdúr til Völu 12,8 km   

Utah Valley Marathon 9.6.2012

Zions Bank Utah Valley Marathon & Half Marathon, 10K, Kids 1K, Provo, UT USA  9.júní 2012
http://www.utahvalleymarathon.com 

Klukkan hringdi 2:30 am... ég hafði sofið eins og steinn, enda þreytt eftir að hafa sofið illa nóttina áður. Í þessu hlaupi eru forréttindi að vera Maniac, við höfum sér rútur og klósett á starti. Það var hins vegar frekar langt á startið svo ég ákvað að eyða ekki tíma í morgunmatinn áður en ég færi, heldur borða hann í rútunni. Fékk mér kaffi, teypaði tærnar, dótið var tilbúið og svo lögðum við af stað...

Það tók okkur smá tíma að finna réttu rúturnar... ég rétt náði síðustu rútunni kl 3:45... ekkert nema Maniac-ar þar :D

Startið var uppi í fjöllum og búist við frosti þar... þar voru eldar til að halda hita á fólki. Hvar sem ég leit voru Maniac-ar takandi myndir og auðvitað skellti ég mér inná þær enda ekki með vél... svo voru allir símarnir og allt sent beint á Maniac-síðuna á Facebook. Snilld að hafa merkt klósett.

Það var hlýrra en undanfarin ár... og ég í síðum buxum og hafði ætlað að byrja í langermabol og binda hann síðan utan um mig... en ég setti hann í gear-check... ég hljóp í nýjum MM hlýrabol :) 

Það var tekin hópmynd fyrir framan startið, 5 mín. fyrir start kl 6 am. 

Við hlaupum niður... og upp og niður risastórt gil... byrjuðum í ca 6.250 feta hæð og enduðum í um 4.500... Maður fann fyrir þunna loftinu. og hvílíkur mótvindur sem við fengum og glampandi sól. Vegna hitans og vindsins var ég hrædd um að drekka ekki nóg... en drakk síðan allt of mikið því ég fór 3svar á klósett á leiðinni.
http://www.utahvalleymarathon.com/utah-valley-marathon-map.php

Síðustu 4 mílurnar voru í Provo og þá lyngdi og hitnaði verulega, sennilega um 30°c... ég gekk meirihlutann af þeim mílum.

Sólarvörnin (30) dugði svo ég brynni ekki og ég slapp við bruna-nudd-sár. Verðlaunapeningurinn er æðislegur og peningurinn frá MM, geggjaður :)

Garmurinn minn mældi tímann 5:52:34 og vegalengdina 42,55 km
Maraþonið er nr 145 

http://www.youtube.com/watch?v=_I0mtzC0iaI
myndband frá Joe (The Marathon Show) 

Gögnin í Utah og Reunion hjá Marathon Maniacs

Við vorum frekar ferðaþreytt, keyrðum á 2 dögum frá Las Vegas til Lehi Utah. Við hefðum getað keyrt á einum degi en áætlunin breyttist hjá mér. Ég ákvað að hætta við að hlaupa Bear Lake á föstudaginn, ég er ekki í neinni æfingu og vil síður sleppa Utah Walley út af MM-Reunion-inu.

Við tékkuðum okkur inn á hótelið... opnuðum tölvuna til að sjá hvenær Reunion-ið byrjaði. Það passaði að fara strax til Provo... smá mistök hjá mér í pöntun, ætlaði ekki að vera svona langt frá. 

Númerið mitt er 6838... expo-ið ágætt. Ég hélt að þetta væri lítið hlaup en það er bara nokkuð stór viðburður. Ég fór í beint útvarpsviðtal...

Reunion-ið var svipað og í Appleton í fyrra. Fundurinn dróst því þeir voru alltaf að gefa séns, þeim sem komu of seint... Allir kynntu sig, það tók tíma svo að lokum var ekki tími fyrir hópmynd.

Við drifum okkur út, áttum eftir að setja inn í garminn, rúturnar, markið, kaupa nesti og kaupa okkur kvöldmat. Þegar ég var búin að taka saman dótið var klukkan orðin 8:30 og klukkan stillt á 2:30...  

 

R´N´R San Diego 3.júní 2012

Dodge Rock 'n' Roll Marathon & Half Marathon, Marathon Relay, San Diego, CA USA,  3.júní 2012
http://san-diego.competitor.com

Þetta var í 3ja sinn sem ég hleyp R´n´R í San Diego. Í hin tvö skiptin var flugvöllurinn gerður að bílastæði, rúturnar fóru þaðan á startið og svo endaði hlaupið í göngufæri við bílana... Nú hafa þeir fært markið að Sea World... sem þýddi rútu í bílana, engin bílastæði fyrir almenning hjá markinu (aðeins VIP) svo Lúlli beið allan tímann á hótelinu... skítt fyrir hann.

 Ég fór snemma að sofa, en það var laugardagskvöld og ég vaknaði við læti á hótelinu. Gat sem betur fer sofnað aftur því klukkan hringdi kl 2:30... Ég vildi vera viss um að fá bílastæði við Sports Arena sem var aðal bílastæðið en ekki einhversstaðar úti í buskanum.

Ég var komin þangað rúmlega 4:00 og beið í hálftíma í bílnum áður en ég fór í rútuna. Ef ég hefði haft vekjaraklukku þá hefði ég sofnað smá stund. Ég tékka ekki inn dót nema ég sé ein, það hefði verið of kalt að bíða jakkalaus frá 5 til 7:30...

Maniac myndatakan tókst vel, ég fæ myndirnar á facebook og email... sniðugt :) Við hittumst á kirkjutröppum við minn corrall (25) kl 6 am.
Við vorum ekki mörg, Maniac-arnir eru farnir að forðast R´N´R maraþonin. Þau eru dýr og reynt að selja allt, VIP-klósett, bílastæði, skuttlur og fl. Svo eru þau orðin svo stór að skipulagning fer oftar úr böndunum, seinkun á starti, menn villast og fl.

Fyrsta ræsing var 6:10... hjólastólar en frá 6:15 var ræst með 5 mín millibili hver corrall... og ég í nr 25... Ég get ekki annað en verið sátt að hafa komist í gegnum þetta - æfingalaus með öllu - Hitinn var nokkur en ekki óbærilegur því það var skýjað, en rakinn var mikill, á tíundu mílu var ekki þurr þráður á mér en það þornaði á síðustu mílunum við sjávarsíðuna. 

Þetta maraþon er nr. 144
Garmurinn mældi tímann 5:41:?? en vegalengdina alltof stutta því það datt svo oft úr gervihnattasambandi. (Gleymdi úrinu útí bíl)

Við keyrðum strax eftir hlaupið til Las Vegas... um 350 mílur og var ég alveg komin í eina krumpu eftir ferðina. Við verðum hér í 3 daga.

Palace Station, Hotel and Casino
2411 W.Sahara Ave, Las Vegas, NV 89102
PalaceStation.com  

 

Gögnin sótt fyrir R´N´R San Diego

Expoið var í Convention Center og þessi Rock N Roll maraþon eru orðin tómt peningaplokk... Í fyrsta lagi eru aðgangurinn rándýr, fokdýr bílastæði þegar maður nær í númerið... allt orðið selt þar inni á uppsprengdu verði... svo er aldrei byrjað og endað á sama stað... sem þýðir strætó-vesen og mér sagt að núna verði maður að kaupa sér Trolley miða til að komast frá markinu í bílinn sinn... GEðveikTTTTT.... 

Það verður Maniac-myndataka kl 6:00 þannig að ég þarf sennilega að leggja af stað héðan, niður á bílastæði kl 4:00... sem þýðir að ég þarf að vakna í síðasta lagi 2:30