Bloggfærslur mánaðarins, maí 2016

Hreyfing í maí - South Kaibab Trail Grand Canyon

Ég byrjaði mánuðinn á maraþoni í New Mexico... það var mjög svo erfitt, langt og strangt ferðalag og mikil hæð yfir sjávarmáli... en það hafðist :)

 7.maí... Shiprock Marathon NM, 42,2 km
13.maí... 1200 m skrið
14.maí... Helgafell ganga 4,8 km með byrði
16.maí... Esja upp að Steini, 6,7 km með þyngri byrði en síðast
21.maí... Helgafell með Tinnu Sól, 4,8 km ganga
22.maí... Helgafell með Berghildi og Eddu, m/byrðar, 4,8 km ganga
23.maí... Hjólað með Völu, 16,3 km 
27.maí... 1100m skrið

28.maí... Ævintýrið að byrja, flogið til Denver.
31.maí... South Kaibab Trail, gengið frá suður brúninni niður á botn
          í Grand Canyon, 7,1 míla eða 11,4 km...
          Við vorum með 10-12 kg byrði hver og niðurferðin
          tók 4 og hálfan tíma. Gistum á Bright Angel Campground.

https://youtu.be/rLxAEe1h7Bo 
Ævintýraferðin, videó á Youtube.com 


Shiprock Marathon 7.maí 2016

Shiprock Marathon, Farmington, New Mexico
7.maí 2016

http://www.shiprockmarathon.com

Shiprock Marathon 7.maí 2016Ég sótti gögnin í gær, það voru 30 mílur hvora leið, um 100 km fram og til baka og svo fara rúturnar á startið frá sama stað kl 6am.

Ég reyndi að fara snemma að sofa, enda búin að keyra 310 mílur, frá PUEBLO til Farmington fyrr um daginn... ég stillti klukkuna á 3am.

Ég svaf ágætlega enda þreytt... og hafði ekki áttað mig á mikilli hæð frá sjávarmáli hérna. Farmington er í 5300 feta hæð... sem gerir 1.615 metra hæð og mér var sagt að hæsti punktur í Shiprock maraþoninu væri hærri. 

Shiprock Marathon 7.maí 2016Eftir að hafa græjað mig eins og vanalega ákvað ég að drífa mig af stað 4:45... ég keyri alltaf hægar í myrkri og svo sá ég öll sektarskiltin í gær ef maður gleymir að lækka hraðann þegar keyrt er i gegnum bæina... ég var rúman hálftíma á leiðinni og lenti þar í langri röð til að leggja bílnum... þegar upp var staðið small þetta allt saman.

Rúturnar keyrðu hlaupaleiðina... og mig langaði helst að fara bara til baka með rútunni... malbikaður sveitavegur sem var ekkert nema brekkur... 

Shiprock Marathon 7.maí 2016Það var kalt meðan við biðum eftir startinu kl 7 og þá hitti ég nokkra Maniac-a. Það var afar breytilegt veður á leiðinni. Já, fyrst var kalt og vindur í fangið, hlýtt og vindur á hlið, kalt og vindur á ská í bakið, nokkrið dropar og svo heitt... ég var alltaf að fara úr og í jakkann aftur.

Þjónustan á leiðinni var til fyrirmyndar, drykkjarstöð með mílu millibili.

Þetta mjög svo erfiða maraþon er nr 202,
Garmin mældi það 42,57km og tímann 6:39:43
Nú er bara EITT fylki eftir í hring nr 2 um USA
Governers cup, í Helena Montana 11.júní nk.


Innskráning

Ath. Vinsamlegast kveikið á Javascript til að hefja innskráningu.

Hafðu samband