Með Þóru Hrönn og Haukahópnum

Ég var ekki tilbúin að hlaupa fyrr en rétt fyrir kl 10 og kom því við hjá Haukahópnum... og þá var Þóra Hrönn þar. Ég ákvað að hlaupa með þeim þó ég hafði ætlað að fara 20 km í dag. 

Leiðin lá upp Áslandið og upp að Hvaleyrarvatni og gegnum Vallahverfið til baka. Ég hafði tæmt úrið mitt fyrir síðasta maraþon og nú mældi það lengri vegalengd en úrið hjá Þóru Hrönn... að auki hljóp ég 1 km auka til og frá Haukahúsinu svo alls mældist þetta 13,5 km í dag.

Á morgun

Það hefur verið vaninn hjá mér undanfarin ár að hvíla í viku eftir maraþon... síðasta var Haustmaraþon FM síðasta laugardag... svo það er komið að æfingu á morgun... ég er bara í ágætisstuði eða veit ekki betur

Haustmaraþon FM 23.okt. 2010

Ég fór mjög þægilega í gegnum skráninguna og slapp við að sækja númerið. Greiðsla og skráning var í gegnum netið og í gegnum tölvupóst fékk ég leyfi til að byrja á undan hinum sem er snilld þegar maður fer ekki hraðar en snígill sem hleypur 

Bíðari nr 1 keyrði mig í Elliðaárdalinn og ég lagði af stað 6:02... sem er annars óguðlegur hlaupatími. Ég var með minn Garmin sem mælir vegalengdina og tekur tímann og ég var með gel og vatn með mér því langt var í að drykkjarstöðvar opnuðu. Myrkrið var ekki vandamál fyrr en í Skerjafirðinum þar sem engin lýsing er á löngum kafla á göngustígnum. það var frekar kalt sem hentar mér 

Sama leiðin er farin tvisvar sinnum fram og til baka og fannst mér gaman að mæta hlaupurunum sem voru ræstir tveimur tímum síðar. Maginn sem hefur angrað mig alla vikuna var til friðs í hlaupinu. Þreyta fór að segja til sín á síðasta leggnum, þ.e. seinni bakaleiðinni og var ég farin að ganga svolítið á milli og fegin þegar ég kom í mark og hæst ánægð með tímann 4:59:02  

Þetta maraþon er nr 126, áttunda á árinu en fjórða á tveimur vikum.

Gögn og Columbus Marathon Ohio, 17.okt. 2010

Nationwide Better Health
Columbus Marathon
& Half Marathon, Columbus,
Ohio USA    17.okt  2010
http://www.columbusmarathon.com/

Við keyrðum frá Indianapolis strax eftir maraþonið þar og vorum komin kl 5:30 að sækja gögnin fyrir næsta maraþon. Síðan var bara að koma sér á hótelið, draga allt dótið inn og setja upp nýtt heimili í 2 daga, fara í sturtu og gera allt klárt fyrir Columbus marathon.  

Klukkan var stillt á 4:45... við vorum vöknuð áður, ég get ekki kvartað yfir því að vera þreytt, nú var allt gert með hraði. Columbus marathon er 15 þús manna hlaup og ekki sniðugt að koma seint, lenda í bílaröð og fullum bílastæðahúsum. Við vorum komin á staðinn 5:15, fengum gott bílastæði nálægt startinu og hlaupið var ræst kl 7:30

Það var kalt í morgunsárið og gott að geta rétt Bíðara nr 1 jakkann á síðustu stundu. Allt gekk vel fyrstu mílurnar svo tók þreytan að síga á.
Hitastigið var um 25°c eins og í hlaupinu í gær. Ég var með orkugel sem ég tók á 4 mílna fresti og var alveg komin með ógeð í lokin bæði fyrir gelinu og Gatorade.
Aldrei þessu vant var hlaupið hringur sem er miklu skemmtilegra... ég var samt komin með nóg og gekk að mestu síðustu 3 mílurnar... en maður verður að koma hlaupandi í markið.

Garmurinn ákvað að vera fullur í hlaupinu og hætti að mæla rétta vegalengd en mældi tímann. Eitthvað klikkaði að stoppa klukkuna á réttum tíma en ég giska á að ég hafi verið 5:45

Þetta maraþon er nr. 125
Ohio er 49. fylkið mitt... EITT EFTIR  

Þetta maraþon er hlaupið til heiðurs yngstu dótturinni Lovísu sem er 25 ára í dag. Til hamingju dúllan mín.

Indianapolis Marathon IN, 16.okt 2010

Community Health Network Indianapolis Marathon & Half Marathon, 5K, Marathon Relay, Kids Marathon Indianapolis/Lawrence, Indiana USA  16.okt 2010 kl 8:30
http://www.IndianapolisMarathon.com/ 

Ég fór snemma að sofa, ekki veitti af og svaf ágætlega. Klukkan var stillt á 4:45 en við vorum vöknuð áður. Við þurftum að mæta snemma til að fá bílastæði nálægt. Startið og markið er innan ramma gatna sem eru hlaupnar og þeim lokað kl 7:30... klst fyrir ræsingu.

Við létum okkur ekki vanta, Lúlli varð að hanga á staðnum eftir mér því við tékkuðum okkur út af hótelinu þegar við fórum þaðan.

Aldrei þessu vant var ég léttklædd, hnébuxur og stuttermabolur... og það var næturfrost  ég var frosin fyrstu mílurnar en síðan hitnaði vel. Hlaupið liðaðist eins og slanga umeinhvern garð og ég vissi sjaldan hvort fólkið sem ég sá var á undan mér eða eftir... þangað til það skildi á milli hálfa og heila maraþonsins. Sá hluti var fram og til baka skemmtilegheit
Mér gekk bara ágætlega, ég reyndi að hlaupa ekki í halla - það fer illa með mig.

Garmurinn mældi vegalengdina 26,4 mílur og tímann 5:06:39

Þetta maraþon er nr 124 hjá mér
Indiana er 48. fylkið mitt... 2 eftir.............. újé......  

Gögnin í Indianapolis IN

Ég fór út á náttbuxunum í gær þegar við fórum í þvottahúsið... og er búin að vera í þeim síðan... Fór sem sagt á náttbuxunum að ná í gögnin

Það voru 20 mílur í expoið, í YMCA miðstöð í Indianapolis Marathon... þetta var lítið expo, sennilega er þetta líka fámennt maraþon, en það var fullt af aðstoðarfólki. Við tékkuðum á bílastæðinu við startið, því við verðum að tékka okkur út af hótelinu í fyrramálið og Lúlli þarf að bíða einhversstaðar eftir mér.
Start og finish er á sama stað sem er munur

Við fórum í búðir að kaupa það síðasta, og borðuðum á Old Country Buffet

Skrár tengdar þessari bloggfærslu:

• Spjallviðtal á gmail.com

ING Hartford Marathon CT, 9.okt. 2010

ING Hartford Marathon & Half Marathon, Marathon Team Relay, 5K and Kids K. Hartford, Connecticut USA... 9.okt 2010
http://www.inghartfordmarathon.com

Vaknaði fyrir kl 5. For snemma ad sofa og svaf agaetlega. vorum komin a startid klst fyrir hlaup sem var raest eftir baen og tjodsong kl. 8. Eg fann mig aldrei i hlaupinu... tad hitnadi verulega mjog fljott, en tad sem dregur mig alltaf nidur er grofar gotur, mikill gotuhalli og langar leidir fram og til baka. Tannig var tad nuna... ad auki var eg ad berjast vid ad fa ekki krampa i iljunum.
A sidustu milunni fekk eg hrikalegan krampa i vinstra laerid, haltradi afram en var buin ad jafna mig nog til ad geta hlaupid i mark. Foringinn tok myndir sem eg set seinna... tetta er nog fyrir Best Buy ;)

Þetta svolítið fyndið að lesa þetta, svo ég ætla bara að þýða þetta á íslensku: vaknaði kl 5, hafði farið snemma að sofa og svaf ágætlega. Við vorum komin á startið klst fyrir maraþonið sem var ræst með bæn og þjóðsöngnum kl.8.

Ég fann mig aldrei í hlaupinu, fór kannski of hratt af stað og svo hitnaði verulega, mjög fljótt.
Það sem dregur mig alltaf niður eru gróft malbik á götunum, mikill götuhalli og langar leiðir fram og til baka þar sem maður mætir þeim sem eru á undan í hlaupinu... þannig var leiðin núna. 
Að auki var ég að berjast við að fá ekki krampa í iljarnar. Á síðustu mílunni fékk ég hrikalegan krampa í vinstra lærið, haltraði áfram og var búin að jafna mig nóg til að geta hlaupið í mark.
Foringinn beið í markinu eins og alltaf.

Garmurinn minn mældi maraþonið 42 km og tímann 5:15:36. 
Þetta maraþon er nr. 123 hjá mér,
Connecticut er 47. fylkið mitt

Gögnin sótt í CT

Vegna tess ad eg er tolvulaus fram a manudag, ta for eg i Best buy til ad koma med frettir af okkur. Vid sottum gognin i gaer. Eg er numer 2108. Vid forum tadan a startid og bilastaedid sem vid aetlum ad nota. Gott ad hafa tetta i Garminum daginn fyrir hlaup. Bordudum a Home Town Buffet.

Plana ad fara snemma ad sofa, svaf litid sidustu nott, fyrir hrotum i Foringjanum og latum i naesta herbergi.

Verd ad laga tessa stafi tegar eg kemst i mina tolvu :) 

Styttingur

Ég var voða leiðinleg í dag, prógrammið var of stutt fyrir Völu... svo ég fór út þegar ég kom úr skólanum og hljóp frumsamdan hring... stytti Hrafnistuhringinn í Álfaskeið, Flatahraun, Reykjavikurveg og sjávarsíðuna til baka. Hringurinn átti að vera um 8 km en varð 8,4...  betra gat það ekki verið 

Garðabær með Þóru Hrönn

Veðrið var dásamlegt. Ég lét keyra mig heim til hennar svo km stemmdu við áætlunina, við byrjuðum í 7°c og vorum fljótlega komnar úr jökkunum. Sólin skein og algert logn.  Hringurinn var frábær, við reyndum að hemja okkur, hnipptum í hvor aðra til að hægja á okkur... það er ekki lengur treystandi á mig að halda jöfnum hraða - ÞETTA ER DÁSAMLEGT 

15 km í sól og sælu