Færsluflokkur: Ferðalög

Appalachian Series Bristol Marathon TN, 26.mars 2024

Ég var á keyrslu allan daginn í gær, reyndi að sofna snemma en það tókst ekki. Hlaupið í dag var ræst klst seinna en síðasta hlaup eða 6:30.. svo ég vaknaði kl 4. Brautin var falleg, eftir skógarstígum, að mestu möl, og það sem var malbikað var með ,,toe catchers" þ.e. illa farið af rótum trjánna. Það rigndi mest allan tímann.

Bristol TN 26.3.2024, kláraði 3ja hring um USAÍ dag kláraði ég AFTUR öll 50 fylkin í 3ja sinn.. já, ég var viss um að ég væri að klára þau í Richmond VA.. í nóv sl.. en svo fékk ég póst frá The 50 State Marathon Club að ég yrði að hlaupa aftur í Tennessee. þetta var BÖMMER síðasta árs.

Rock and Roll hlaupið í TN var ekki viðurkennt.. alltof margir voru neyddir til að stytta vegna hita.. og hvað gerir maður þegar maður fær slæmar fréttir - kaupir ferð til að klára þetta.. en ég verð að viðurkenna að það voru ekki sömu tilfinningar að klára núna og í Richmond.. það er ekki hægt að endurtaka sigurvímuna fyrir sama afrekið.
Hin 49 fylkin höfðu verið samþykkt af The 50 State Marathon Club... svo nú er þetta staðfest..
ÉG ER BÚIN MEÐ 3 HRINGI UM USA og Mainly Marathon gefa þeim sem klára hjá þeim flottan viðurkenningar pening.

#3 Tennessee
Strava mældi leiðina 44,85 km

Appalachian Series, Eufaula Marathon 22.mars 2024

Ég var á keyrslu allan gærdaginn en tókst að hvílast ágætlega fyrir hlaupið.. enda á kolvitlausum tíma.

Eufaula Alabama 22.3.2024Ég vaknaði 3:30 en hlaupið var ræst kl 5:30. Þetta var blautur dagur. Fyrst kom smá dropaskúr og úði, en svo komu helli dembur og þá safnaðist í polla.. í rigningu fæ ég alltaf nuddsár af fötunum. mig vantaði ekki þetta fylki en ferðin er farin til að klára aftur 3ja hring um USA.. og það verður eftir 3 daga í Bristol Tennessee.

Ég var samferða Natalie nokkrar ferðir. Hún ætlaði að koma til Íslands og ég ætlaði að keyra hana til Eyja að sjá fílinn.. en hún greindist með 4stigs krabbamein og er nú í meðferð við því, svo ferðin frestast.

Alabama #4
Strava mældi það 43,94 km
Held þetta sé maraþon nr 280


Holiday Five, Winter Park Florida 31.des 2023

Í dag er síðasti dagur Holiday Five seríunnar.Ég hafði sama system og í fyrradag.. Ég stillti klukkuna á 3.. og lögðum af stað kl 5.. með allt dótið, því við skiptum um hótel í dag.

20231231_Winter Park FloridaHlaupið var ræst kl 6.. í niðamyrkri.. ég reyndi að nýta mér birtu frá öðrum með höfuðljós.. um kl 7 birti. Það var sama leið alla dagana í seríunni. Mér gekk ágætlega en var orðin sárfætt í miðju hlaupi og skipti um skó.. og bætti svo við innleggjum. Þjónustan var ágæt í hlaupinu. Ég var fegnust því að maginn á mér var í lagi.. Skipuleggjandi er Bettie Wailes.

Þetta maraþon er nr 278

Strava mældi maraþonið 43,8 Km


Holiday Five, Winter Park Florida, 29. des 2023

Það var svo dýrt að fljúga til Florida og rándýrir bílaleigubílar þar að ég flaug til Raleigh og keyrði 608 mílur (998 km) til Florida.. að auki var bílinn helm ódýrari og kostar ekkert að skilja hann eftir þar og fljúga heim frá Orlando.. ég keyrði tvo tíma eftir flugið, við gistum í Dillon og keyrðum restina daginn eftir..

20231229_Holiday Five FloridaEftir langa keyrslu í gær átti ég ekki erfitt með að sofna.. þó var hávaði og músík í næstu herbergjum.. ég lét símann hringja kl 3 og lagði af stað kl 5.. 
Ég átti ekki í vandræðum með að finna staðinn. Hlaupið var ræst í niðamyrkri kl 6.. og auðvitað hafði ég gleymt höfuðljósi. Leiðin var ágæt.. eftir malbikuðum stígum.. þó var töluverður halli á þeim, sem er alltaf slæmt fyrir mig. Tveir haukar fylgdust með okkur og íkornar hlupu um allt. Mér gekk ágætlega þrátt fyrir tímamismun og ferðaþreytu.. ég þekkti marga af þeim sem mættu.

Þetta var þriðji dagurinn í fimm daga seríu, ódýrt safnarahlaup með lágmarksþjónustu og ódýrum verðlaunapeningi.

Maraþonið mældist 43,93 km 

Richmond Marathon, Virginia, 11.11 2023

Vá, ég trúi þessu varla sjálf.. en í dag hljóp ég síðasta fylkið í 3ja hringnum mínum um öll 50 fylki USA.. 3 hringir þýða 150 maraþon.. Eftir yfir hundrað flugferðir, hundruði hótela og mörg þús mílna akstur.. þá er þriðja hringnum lokið.. ótrúlegt en satt.

Hótelið var í 10-15 mílna fjarlægt frá startinu..
Klukkan stillt á 2:45. Kl 4:30 lagði ég af stað, 20 mín keyrsla á start, í miðborginni. Ég var að vonast til að það væri ekki búið að loka götunni við bílastæðahúsið en það var búið að loka mörgum götum, einstefnur og ég fann ekki strax annað bílastæðahús.. 

20231111 Richmond VAFann loksins bílastæðahús við hliðina á Mariott.. beið um hálftíma í bílnum en lagði síðan af stað og kom snemma á startið.. hiti var um frostmark.. Við startlínuna var ég óvænt tekin í sjónvarps viðtal á CBS12.. 

Hlaupið var ræst kl 7 og mér gekk ágætlega, fann samt fyrir grindarlosinu vegna veghallans. Ég var ekki hálfnuð þegar ég fór að finna að það jaðraði við krampa í hægri kálfa en það rjátlaðist af þegar ég vandaði mig við að slaka á vöðvanum. Þjónustan var góð á leiðinni, drykkjarstöðvar á milu millibili og veðrið var þægilegt. 

Það var ólýsanlegt að koma í mark og hafa klárað 3ja hring um USA. Ég var síðan heppin að hafa valið bílastæðahús við hliðina á Mariott, því Mariott var með strætó þangað. 

Richmond Virginia Marathon..✔️
3x USA.. ✔️


Center of the Nation, Baker MT 7.okt 2023

MARAÞON Í BAKER MONTANA Í DAG..

Það var stutt á startið og nóg að vakna kl 4am.. Lúlli ákvað að vera sannur ,,Bíðari nr 1" og bíða á staðnum.. Startið var kl 6am í 1-2ja stiga FROSTI.. Sem betur fer var ég með buxur til fara í utan yfir hlaupabuxurnar og regnkápu utanyfir jakkann og heppin að hafa vettlinga..

20231007 Baker MTEins og venjulega var myrkur fyrsta klukkutímann.. en þegar sólin kom upp fór að hlýna og fólk fór að fækka fötum.. Leiðin var ágæt og veðrið fallegt.
Nýlega nefndi ég í prédikun í ,,Heima með presti" að það væri til hlaupahópur í USA, TEAM 4:13.. eða Fil 4:13 og í hlaupinu í dag var einn hlaupari í bol frá þeim.. En versið hljóðar þannig: Allt megna ég fyrir hjálp hans sem mig styrkan gjörir..
Montana ✔️
Hæð yfir sjávarmáli 1000m
Strava mældi leiðina 44,25 km
1 fylki, Virginia.. eftir í 3ja hring um USA

Center of the Nation, Sundance Wyoming 4.okt 2023

Við Lúlli flugum til Denver og ég byrjaði á að keyra 3 tíma til Sterling.. ég hafði íhugað að taka þar eitt maraþon, en sf því að ég hafði farið til Bristol og svo beint út aftur, þá var ég of þreytt til þess.. Ég keyrði því næst til Sundance..

MARAÞON Í WYOMING Í DAG...
20231004 Sundance WYÉg hafði vekjarann stilltan á 4am, en var vöknuð fyrr.. Fékk mér jógúrt, vítamín-skammtinn, tók spænskuna, teypaði tærnar, klæddi mig og fór af stað..

Start kl 6am í skítakulda, 2-3 gráður og vindur. Ég hafði gleymt höfuðljósi eins og venjulega.. brautin var gróf möl.. og í kringum 30 km var ég orðin verulega sárfætt.. það hlýnaði er leið á morguninn, fór hæst í um 8 gráður.. á tímabili þykknaði upp og komu nokkrir dropar.

Maraþonið var 22 hringir og mældist 45,38 km þegar upp var staðið..
Hæð yfir sjávarmáli, 1.583m..
Wyoming ✔️
2 eftir í 3ja hring

Erie Marathon at Presque Isle Erie, PA 10.sept 2023

Ég fór ein út, enda hlaupaferð og mikil keyrsla var framundan. Ég flaug til Baltimore og þurfti að keyra norður, gegnum allt fylkið upp að vatninu sem skilur milli USA og Canada.. sama vatn og Niagara fossarnir renna úr.. Hlaupið var 2 hringir um litla ,,eyju" eða skaga sem lá út í vatnið.. en snarbrött brekka þar niður.

20230910_152234Ég var með hótel ca 15 mín frá startinu.. og sótti númerið daginn áður.. og hafði smá áhyggjur af því að hafa verið að fyllast af kvefi.. ég reyndi að fara snemma að sofa, en það er ekki vandmál þegar maður er á kolvitlausum tíma..

Ég vaknaði kl 3:30.. og lagði af stað 2 tímum seinna, það voru 15 mílur á startið. Bílaröðin inn á bílastæðið var ekkert grín, ég var farin að halda að ég næði ekki hlaupinu.. enda um mílu ganga á startið og eftir að taka "síðasta piss".. þ.e. klósettröðina..

Hlaupið var eins og ég nefndi í upphafi.. á lítilli eyju í sama vatni og Niagara fossarnir renna úr.. brautin var 2 hringir.. Ég get ekki sagt að hún hafi verið spennandi, hlaupið eftir veginum og stór tré báðum megin hálfa leiðina.. Þegar ég fór seinni hringinn var búið að hreinsa allt í burtu, bæði drykkjarstöðvar og mílumerki.. en þjónustulundin hjá starfsfólkinu var dásamleg, reglulega komið á bíl og var spurt hvort mig vantaði eitthvað.. ískalt kók, vatn eða eitthvað að borða..
Í mark komst ég, og fékk síðan far á bílastæðið.. sjaldan verið eins fegin að sleppa við snarbratta brekku.. 
Takk Jesús ❤️❤️❤️

Garmin mældi leiðina 42,2 km og tímann 7:45:27 

Pennsylvania ✔️
3 fylki eftir í 3ja hring um USA ✔️

Keyrslan var alls 860 mílur eða 1.410 km.

Twin Lakes Marathon Juneau Alaska, 28.júlí 2023

Þrátt fyrir nær enga æfingu var ég þokkaleg eftir gærdaginn, ég fékk far með Bettie, Jim og Henry á startið sem var kl 7 am. Það var sama leið en mér gekk ekki eins vel og í gær, þreyta, tímamunur, hallinn á stígnum og grindarlosið gerðu vart við sig, ég dróst aftur úr, reyndi að vera á grasinu við hliðina þar sem var hægt og þurfti að setjast á bekkina í síðustu ferðunum.. ég kláraði síðust og fékk lestina.. Íslandsvinurinn Keikó var á peningnum..

20230728 Juneau Alaska againég var svo heppin að fá far á hótelið til að sækja töskuna, þvo kattarþvott í vaskinum og skipta um föt.. og fá skuttluþjónustu upp í flugstöð.. þar var ekkert um að vera, lítil stöð og ég mætt tímanlega.. ég settist og tók því rólega um klst.. þegar ég ætlaði að standa upp gat ég varla gengið.. og varð að útskýra fyrir eftirlitinu að ég þyrfti ekki aðstoð, ég væri ekki fötluð, ég hefði bara verið að hlaupa..

ég átti flug um kvöldið til Seattle, lenti þar um miðnætti og henti mér í rúmið án þess að fara í sturtu.. Hvílíkt og annað eins..

Maraþon nr 272
Strava mældi leiðina 44,99 km 
Alaska.. tékk fyrir 4.hring hahahaha
Ennþá 4 fylki eftir í 3ja hring um USA.


Twin Lakes Marathon Juneau Alaska, 27.júlí 2023

Þessi ferð var algjör hraðferð, flug 2 daga í röð, maraþon 2 daga í röð og flug heim 2 daga í röð, alls 5 nætur í burtu.. og 8 tíma tímamunur í hlaupunum.. þetta var strembið, þar sem bílaleigubílar voru fáir og uppseldir.. svo ég varð að redda mér öðruvísi.

20230727 Juneau AlaskaÉg var dauðþreytt þegar ég kom til Juneau og fór snemma að sofa og vegna hins mikla tímamunar, vaknaði ég um 2:30. Ég hafði samið við leigubílstjóra að sækja mig kl 5:45.. það voru 6 mílur/10 km á startið.. Ég hitti marga sem ég þekki og þrjá sem gista á Áttunni eins og ég, svo ég fékk far til baka og fæ far í fyrramálið.. Jim og Bettie eru á 2.hæð en Henry er í næsta herbergi við mig.. síðan frétti ég að Bill væri líka hérna..

Startið var kl 7 am. Leiðin var nokkuð slétt, malbikaður stígur, 14 ferðir fram og til baka.. Það var þó nokkur bunga á miðjum stígnum sem orsakaði halla hvoru megin en mér tókst að halda mig svolítið á miðjunni.. halli er mjög slæmur fyrir grindarlosið hjá mér.. veðrið gott.. ég sá 2 birni í húsagarði hinu megin við götuna.. ég hélt að enginn annar í hlaupinu hefði verið svo ,,heppinn".. en amk ein kona sá þá.. veit ekki hvort þeir sáu mig.. en annar þeirra, sennilega Yogi endaði á verðlaunapeningnum..

Maraþon nr 271 í dag,
strava mældi leiðina 43,4 km
Alaska.. tékk
4 fylki eftir í 3ja hring um USA

Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband