Hreyfing jan 2020

Já, góðan og blessaðan, ótrúlegt hvað árin fjúka af dagatalinu. Áríð byrjar ágætlega, en ég verð að viðurkenna hvað það er miklu skemmtilegra að komast út að hlaupa heldur en að hlaupa inni á bretti. Fyrsti hlaupadagurinn úti var daginn fyrir gamlársdag. Ég hefði átt að hlaupa 3.jan en var upptekin og 4.jan var fárvirðri fram yfir hádegi sem breyttist í rigningu og fljúgandi hálku svo ég ætlaði að nota brettið en þá var lokað kl 15... þetta verð ég að passa hér eftir.

30.des... 10 km. veðrið var gott en -4°c
 1.jan... 11 km. slydda og smá hálka -1°c
 5.jan... 10 km á bretti... er að koma mér upp kerfi,
 6.jan... 10 km, úti, hálkublettir
 8.jan... 10 km á brettinu, 
11.jan... 10 km á brettinu
12.jan... 10 km á bretti, kerfið tilbúið
14.jan... 10 km á bretti
17.jan... 10 km á bretti
20.jan... 10 km á bretti
22.jan... 10 km á bretti... og fór suður
24.jan... 1000m skriðsund 
29.jan... 10 km á bretti 

Hlaupa annáll fyrir 2019

G L E Ð I L E G T  Á R

Síðasti annáll var skrifaður í Thailandi, í ár ætlaði ég að skrifa hann í Texas, en vegna vinnu varð ég að hætta við þá ferð og skrifa annálinn því á Patreksfirði þar sem ég er settur prestur í vetur. Ekki var ég svo forsjál að taka mynd af verðlaunapeningum þess árs áður en ég keyrði vestur, svo myndin verður að bíða... en hún kemur. 

Ég fór 9 hlaupaferðir erlendis á árinu og hljóp í allt 15 maraþon.

Ég bætti við 8 nýjum löndum, Indlandi, Kýpur, Tékkóslovakíu, Kambodiu, VétNam, Argentínu, Malasíu og Singapore... Argentína var um leið í nýrri heimsálfu fyrir mig.

Að sjálfsögðu hljóp ég nokkur (5) maraþon í USA, ég hitti í einni ferð á tvö einhver erfiðustu maraþon sem ég hef hlaupið og svo ætlaði ég að taka 4 maraþon í Heartland seríunni en varð að lúta í lægra haldi fjórða daginn í röð og láta mér nægja 10 km... þetta varð til þess að ég varð að fara aukaferð út til að ná því að Reykjavík yrði nr 250.

Aukaferðin var til Stevenage UK... off road and self navigated challenge through the picturesque Hertfordshire countryside around Stevenage og til þess að komast í gegnum það prentaði ég út 3 og hálfa bls af leiðbeiningum... 

Í byrjun árs sá ég að það væri möguleiki fyrir mig að hlaupa maraþon nr 250 í Reykjavík... sem mér tókst síðan og er virkilega glöð að hafa fengið 250 sem keppnisnúmer, en ég hljóp heilt maraþon þar 23.árið í röð.

Síðasta maraþon ársins hljóp ég í Singapore á 63 ára afmælisdaginn minn.

Maraþonin eru orðin 253
búin með 28 fylki í 3ja hring um USA
maraþonlönd 27
Heimsálfur 5
4/6 Majors

GLEÐILEGT NÝTT HLAUPÁR 2020

Hreyfing í des 2019

Vá, árið að verða búið. 3.des komum við heim frá Singapore og 5.des keyrði ég vestur á Patreksfjöð þar sem ég mun búa og þjóna sem prestur. Ný reynsla fyrir mig. Hér er sundlaug með íþróttaaðstöðu svo það væsir ekki mig. Það er öruggt að ég kem til með að nota þessa aðstöðu... þó það sé alltaf erfitt (leiðinlegt) að hlaupa á bretti. Fyrst um sinn verður mikið að gera enda jólin framundan.

 7.des... 6 km á bretti og 335m skriðsund
 9.des... 8 km á bretti
11.des... 1 klst í þrektækjum og svo 8 km á bretti
13.des... 8 km á bretti, ótrúlega (ekki) gaman
16.des... 10 km á bretti
18.des... 8 km á bretti og klst í tækjum
21.des... 10 km á bretti
27.des... 10 km á bretti
30.des... 10 km úti, LOKSINS, var á broddum, -4°c

Hreyfing í nóv 2019

Nóvember var frekar annasamur hjá mér, þar sem mér var tilkynnt að ég fengi vígslu 17.nóv og fyrir þann tíma varð ég að útrétta ýmislegt... svo fór ég út 19.nóv í síðustu maraþonin á þessu ári. Í byrjun mán var ég svo óheppin að fá slæmt nuddsár (inn í kjöt) á annarri stóru tánni. Í fyrstu batt ég bara vel um og það háði mér ekki en daginn sem ég fór út, skaust ég til læknis í hádeginu og lét líta á þetta. Fékk ég sýklalyf... en ég var komin á sveppalyf eftir að hafa farið í magaspeglun 13.nóv.

 2.nóv... 10,84km ein, um Hvaleyrarvatn
 4.nóv... 8 km m/Völu, Hrafnistuhringur
 6.nóv... 10,6 km Hrafnista m/Setbergi
 8.nóv... 10,8 km ein, að Hvaleyrarvatni
11.nóv... 11 km m/Völu, rigningarsuddi
13.nóv... frí - magaspeglun
15.nóv... 8 km ein 
17.nóv... Vígsla
19.nóv... út... alls 16 tíma flug +8 í tímamun
24.nóv... Penang Bridge Marathon, Malasía 42,61 km
30.nóv... Singapore Int.Marathon, Singapore 43,53 km

Í Singapore hljóp ég maraþon í þriðja sinn á afmælisdeginum mínum. Þetta var erfitt hlaup en þeir voru í fyrsta sinn með maraþonið um kvöld en fyrsta start var kl 18.

Singapore Int. Marathon 30.nóv 2019

Standard Chartered Singapore International Marathon,
Half Marathon, 10K, 5K, Marathon Relay
Singapore, Singapore
30.Nov. 2019

http://www.singaporemarathon.com

Þetta er seinna hlaupið í þessari ferð. Rakinn í báðum hlaupum hefur verið ótrúlega mikill, raunar eru fötin okkar alltaf þvöl enda rigningartími núna. Þetta var kvöldhlaup sem gerði allt erfiðara... vera búin að vaka allan daginn, vandi að borða rétt og svo rakinn og myrkrið.

Ég var komin á startið upp úr kl 16. þetta er stórt hlaup, troðið af fólki. Hlaupið byrjar á Formúlu 1 brautinni en endar annarsstaðar. 

það var ræst kl 18 en það leið rúmur hálftími þar til það kom að mínum bási. Hitinn var 29° götuhiti 34°og rakinn ótrúlegur. Daglega drynja þrumur hér og við fengum þrumur en sluppum við rigningu. 

Leiðin var svo sem ágæt en þó nokkuð um fram og til baka leiðir. Drykkjarstöðvar ágætar þegar maður var búinn að uppgötva uppsetninguna, en síðustu 12 km var lítið til. Vegna rakans var ég öll í nuddsárum eftir hlaupið og gjörsamlega búin, ég þurfti að bíða einn og hálfan tíma eftir leigubíl og hélt ég myndi ekki halda það út.

Þetta maraþon er nr 253
Garmurinn mældi tímann 7:32:21
og vegalengdina 43,53 km

Penang Bridge Int Marathon 24.nóv 2019

Penang Bridge Int.Marathon
Penang, Malaysia
24.November 2019

http://www.penangmarathon.gov.my/portal/?RL=1

Öll Asíu-hlaupin sem ég hef farið í hafa verið um nótt. Eftir langt og strangt ferðalag hingað og +8 tíma mun við Ísland... þá hefur verið mikið rugl á svefni. Ég gat t.d. ekki sofið kvöldið fyrir þetta hlaup.

Maraþon startið var kl 1:30 am í nótt. Það var 26°c hiti og mikill raki í loftinu.

Þetta var erfitt maraþon, myrkur nær allan tímann, brautin eiginlega bara tvær langar götur fram og til baka og of langt á millidrykkjarstöðva sem voru litlar og því troðningur við þær. Brúin sem hlaupið heitir eftir er 13,5 km og við hlupum hana fram og til baka. Ég get ekki sagt að það sé skemmtilegt að hlaupa alltaf beint... fyrir utan að það var ekkert útsýni í myrkrinu.

Það voru ca 10 km eftir þegar það fór að birta og hitna um leið... og um 4 km seinna hlupum við inn í þvögu af gangandi 10 km hlaupurum sem bókstaflega fylltu brautina. Ég fór framhjá tveim maraþonhlaupurum sem fóru síðan burt í sjúkrabílum nokkra km frá markinu.

Ég held það hafi haft áhrif á frammistöðuna að mér tókst ekki að sofna kvöldið fyrir hlaupið og að ég er bæði á sveppalyfi við sveppum í vélinda og á sýklalyfi við svöðusári á stóru tá.

Guði sé lof þá tókst mér að klára þetta... en ég er alls ekki "sprettharður" prestur eins og greinin í Fréttablaðinu segir.

Þetta maraþon er nr 252
Garmin mældi það 42,61 km og tímann 6:49:24
Penang er nýtt land hjá mér

Hreyfing í okt 2019

Það er ekki hægt að kvarta yfir veðrinu, frábært að hlaupa úti á þessu milda hausti. Það er engin ferð hjá mér í október en af því að ég var svo blessuð að komast inn í Tókyó maraþonið þá fann ég hlaupaáætlun á netinu sem ég ætla að styðast við í vetur. 

 2.okt... 8,2 km m/Völu
 4.okt... 12 km ein í roki og rigningu
 7.okt... ég var svo óheppin að taka illa á og fara í bakinu í morgun :(
10.okt... 8 km ein og gekk vel
11.okt... 12,5 km og 1000m skriðsund
13.okt... 12,5 km hjól
14.okt... 8 km ein í kringum Ástjörn og hverfið
16.okt... 8 km ein, sami hringur
17.okt... 5,5 km, sneri við, verkur í h kálfa
25.okt... 5 km á bretti til að prófa kálfann... var góð og 1000 m skrið.
28.okt... 6,2 km m/Völu, stutt og laggott
30.okt... 6,4 km m/Völu sem að ná sér eftir pest.

Buenos Aires Marathon, Argentína 22.sept.2019

Buenos Aires Marathon
Buenos Aires, Argentina
22.Sept. 2019

http://www.maratondebuenosaires.com/

Það er ótrúlega langt flug hingað, fyrst 6 tímar, síðan bið, og svo 11 tíma flug.

Við sóttum gögnin daginn fyrir hlaupið, expo-ið var ágætt, ca 10 km frá okkar hóteli sem var nálægt startinu. 

Ég stillti klukkuna á 4:00, græjaði mig, áætlaði um klst til að ganga á start og taka eina klósettröð. Hlaupið var ræst kl 7, leiðin var ágæt en samt tókst þeimm að finna amk 3 brekkur fyrir okkur.  Fyrsta drykkjarstöð var eftir 5 km en síðan á 2,5 km fresti. Hitinn var þolanlegur og nokkrum sinnum fengum við smá golu. 

Mér gekk ágætlega að halda áfram, fór að vísu aðeins of hratt í upphafi en ekkert sem kom að sök. Á leiðinni tók ég nokkrar selfie með Globetrotturum sem ég hitti. 

Marathon Globetrotter klúbburinn hefur alltaf samband við hlauphaldara og fær lengri tímamörk og í þessu maraþoni lofuðu þeir 7 klst... sem þeir svo sviku, þeir lokuðu markinu eftir 6:12... og amk einn Globetrotter fékk ekki skráðan tíma og verðlaunapening.

Þetta er maraþon nr 251
Garmin mældi leiðina ... 44,01 km
og tímann ... 6:04:30

Þetta maraþon færði mér nýja heimsálfu S-Ameríku og á ég þá 2 eftir, Ástralíu og Suðurskautið.

Hreyfing í sept 2019

Ég verð að viðurkenna að ég var orðin svolítið þreytt eftir Reykjavík, enda búin að hafa mikið fyrir að gera Reykjavíkurmaraþon að 250. maraþoninu mínu. Ég er varla búin að vera heima í sumar og þegar ferðalögin eru löng þá er ég lengur að komast á venjulegt ról. 

 2.sep... 11,5 km skokk m/Völu, fórum ma kringum Hvaleyrarvatn.
 3.sep... 17 km ganga í hrauni, síðustu 3 spjöldin í Ratleiknum.
 5.sep... 6 km, ein í kringum Ástjörn
 6.sep... 10,4 km ein í kringum Hvaleyrarvatn
 7.sep... 1000m skriðsund, Ásvallalaug (50m laug)
 9.sep... 10 km skokk m/Völu + 4,6 km hjól
11.sep... 10,7 km skokk m/Völu, Hrafnista m/Setbergi
12.sep... 10 km skokk ein, +2 km ganga upp á Stórhöfða
13.sep... 1200 m skriðsund 
16.sep... 8,1 km skokk m/Völu Hrafnistuhringur
17.sep... 18 km hjól
22.sep... Buenos Aires Marathon Argentina 44,01 km
27.sep... 6,2 km skokk ein kringum Ástjörn og 1200m skriðsund 

Hreyfing í ágúst 2019

Rétt fyrir mánaðarmótin flugum við til Viet Nam og þaðan til Kambodiu þar sem fyrsta maraþon mánaðarins var. Það var um 20 tíma flug til Viet Nam og þar var 7 tíma munur. Svo bætist við allar göngurnar og endalausar tröppur í skoðunarferðum. Ég fékk næga hreyfingu í báðum löndum. Mér gekk erfiðlega að snúa tímanum til baka þegar ég kom heim og þá var tiltölulega stutt í næsta maraþon. Viðurkenni að það var lengi þreyta í mér eftir þessa ferð.

 4.ág... KHMER EMPIRE MARATHON, Cambodia 42,61 km
11.ág... DA NANG MARATHON, Viet Nam, 42,68 km
17.ág... hjól 3,5 km, 1 km skriðsund og 2 spjöld m/Indíu 2,7km
19.ág... hjól 4,5 km, skokk 8 km og spjald 1,2 km ganga
21.ág... hjól 4,2 km, skokk 6,4 km
22.ág... spjald í ratleik, 2,5 km í hrauni
23.ág... 500m skriðsund
24.ág... REYKJAVÍKUR MARAÞON, 42,67 km
26.áG... 16,65 km hjól m/Völu
28.ág... 8,1 km skokk, 4,4 km hjól og 5,8 km ganga í spjald.
30.ág... 2,5 km ganga kringum Hvaleyrarvatn m/Hörpu
31.ág... 1 km skriðsund, Suðurbæjarlaug