Wichita Marathon, Kansas 19.10.2008

Wichita Marathon & Half Marathon, Relay, Wichita, KS USA, 19. okt. 2008
http://www.wichitamarathon.org

Eins og segir í færslunni á undan, þá keyrðum við beint úr Kansas City Maraþoninu í Missouri til Wichita í Kansas (svolítið ruglandi þetta Kansas - en fyrra er borg en síðara er fylki). Þar náði ég á síðustu stundu í gögnin fyrir Wichita-maraþonið.

Klukkan var stillt á 4:10... en flautandi bíll vakti mig um miðnætti og mér tókst ekki að sofna aftur. Lúlli keyrði mig í fyrstu rútu (5:45) sem keyrði mig til  Derby þangað sem hlaupið byrjaði. Fyrra start - fyrir fólk sem er lengur en 5 og hálfan tíma, var kl 7. Við hlupum fyrst í niðamyrkri og skítakulda.

Það var merkilegt hve vöðvarnir voru tilbúnir að hlaupa... samt ákvað ég að kraftganga inn á milli. Ég hafði hlaupið í Ecco-hlaupaskónum í gær en skipti yfir í vetrartýpu Nike í dag og ég hef hlaupið með ný innlegg í síðustu 4 maraþonum. Þegar sólin fór að skína hitnaði verulega og ég klikka ekki á sólarvörninni síðan ég brann illilega í Wyoming og New Mexico.

Ég kom í mark á 6:02:46 og þakka Guði fyrir það.

Þetta er í fyrsta sinn sem ég hleyp maraþon 2 daga í röð... en í þessari ferð er ég búin að hlaupa 6 maraþon á 4 vikum. 

Næst á dagskrá er að slappa af

PS... Það duga ekki minna en 2 maraþon til heiðurs Lovísu (sem átti afmæli á föstudag) því hún er ,,eigi einsömul"

Athugasemdir

[soffia kristinsdóttir (IP-tala skráð) 20.10.2008 kl. 16:13]

Sæl   Bryndís mín ,    til hamingju   með þetta    Bryndís mín  og stelpunna,

                              ég skokkaði aðeins í  morgun fyrir hádegi  út í norðubæ

                                    bara stutt  en það var svolítið  kalt en allt í  lagi,

                                         bið að heilsa Lúlla  , sjáumst   farða  svo vel með

                                                þig þú ert ótrúleg,

                                             þí hlaupavinkona    Soffía.

[Bryndís Svavarsdóttir, Marathon Maniac # 3942, 20.10.2008 kl. 18:30]

Takk Soffía,
Hitinn hefur verið að plaga mig í hlaupunum - ekki kuldi eins og er heima núna. Þú verður líka að passa þig, maður verður að hægja á sér í kulda, kalt loft í lungun getur verið varhugavert.
Bestu kveðjur til Byltuhópsins.

[Bryndís Svavarsdóttir, Marathon Maniac # 3942, 22.10.2008 kl. 21:39]

Samkvæmt heimasíðu hlaupsins var tíminn minn 6:02:48
en hlaupið notaði ekki flögur.

BRYNDIS SVAVARSDOTTIR (F51)

6:02:48

267

80 / 7

F50-54

ICELAND