Gögnin sótt í Denver

Við flugum inn í gær, vöknuðum alltof snemma, versluðum aðeins í morgun og sóttum gögnin eftir hádegið... Expo-ið var í Convention Center og það var ekkert smá mál að fá stæði einhversstaðar... Mér var hætt að lítast á þetta því maraþonið byrjar á þessum bletti.

Expo-ið var nokkuð stórt... það eina sem ég keypti eins og svo oft áður, var pin-merkið... Það eru ekki öll maraþon með merki en ég kaupi þau sem eru til sölu... Við komum hins vegar út með fulla poka af góssi... mest af pakka-pökkuðum túnfiski.

Ég fékk nokkuð góðar upplýsingar um hvar bílastæðin verða og hvernig á að komast þaðan á startið. Ég verð nr. 13116.  Nú er bara að hvíla sig og reikna út hvenær maður þarf að vakna og koma sér af stað :)

Reykjavíkurmaraþon 18.8.2012

Reykjavíkurmaraþon 18.ágúst 2012
http://reykjavikurmarathon.is/reykjavikurmaraton 

Við sóttum gögnin í gær og borðuðum pastað þó ég sé annars hætt að borða pasta. Ég hafði póstað á Facebook að það væri tilvalið fyrir Marathon Maniacs og 50 States Marathon hlaupara að hittast og borða saman... en þau voru öll svo upptekin í skoðunarferðum í stuttri Íslandsferð að þau rétt hlupu inn og sóttu gögnin og slepptu pastanu. Ég hitti samt Steve og Paula Boone, forkólfa 50 States Marathon Club í andyrinu á leiðinni heim.

Sonurinn sem fór 10 km sleppti líka pastanu. 

Það verður að segjast eins og er að æfingar fyrir þetta hafa ekki verið í takt við vegalengdina sem á að hlaupa. Kannski hafði ég áhyggjur af því, því ég svaf ekki dúr í nótt. 

Við Lúlli vorum mætt rétt fyrir kl 8 í Lækjargötuna, og okkur mætti eins og venjulega kunnugleg andlit bræðranna, Hjalta og fleiri. Ég var í Maniac-bolnum, enda var ég búin að pósta myndatöku í tröppunum við MR kl 8:15... Steve, Paula, ónefnd kona og kúrekinn mættu.

Það var frekar snubbótt ræsing á maraþoninu... bara eitt BÚMM og hlaupið af stað. Útlendingarnir spurðu mig hvort það væri ekki hefð fyrir að syngja þjóðsönginn? Nei, svaraði ég og næsta spurning var: Hvers vegna?

Maraþonið var ræst 8:40... Það var köld þoka yfir... ég fór of hratt af stað og má segja að ég hafi sprungið eftir 15 km... Það glaðnaði þó til en kom svo aftur köld þoka þegar ég hljóp með ströndinni út á Seltjarnarnes í seinna skiptið. Starfsfólk maraþonsins var allt til sóma en það má fjölga drykkjarstöðvum... yfirleitt voru 4 km á milli þeirra en í eitt sinn voru 5 km og í annað sinn 6 km á milli drykkjarstöðva. 
- ÞAÐ ER ALLT OF LANGT-  

Lúlli hitti mig á 30 km svæðinu með orkudrykk og bjargaði mér þar, og hann hjólaði með mér restina. Þá var ég farin að þurfa að vanda mig hvernig ég beitti fótunum til að fá ekki sinadrætti. Ég lifði þannig alveg að mottunni í markinu, þá gleymdi ég mér og báðir fætur frusu fastir... ég hef ekki upplifað annað eins... ástæðan er að mínu mati æfingaleysi og vökvaskortur...

Reykjavíkurmaraþon er 146 maraþonið mitt,
Garmurinn mældi það 42,7 km og tímann 5:35:57 

Ég hljóp til styrktar CCU og vil ég þakka fyrir áheitin og stuðinginn :) 

Utah Valley Marathon 9.6.2012

Zions Bank Utah Valley Marathon & Half Marathon, 10K, Kids 1K, Provo, UT USA  9.júní 2012
http://www.utahvalleymarathon.com 

Klukkan hringdi 2:30 am... ég hafði sofið eins og steinn, enda þreytt eftir að hafa sofið illa nóttina áður. Í þessu hlaupi eru forréttindi að vera Maniac, við höfum sér rútur og klósett á starti. Það var hins vegar frekar langt á startið svo ég ákvað að eyða ekki tíma í morgunmatinn áður en ég færi, heldur borða hann í rútunni. Fékk mér kaffi, teypaði tærnar, dótið var tilbúið og svo lögðum við af stað...

Það tók okkur smá tíma að finna réttu rúturnar... ég rétt náði síðustu rútunni kl 3:45... ekkert nema Maniac-ar þar :D

Startið var uppi í fjöllum og búist við frosti þar... þar voru eldar til að halda hita á fólki. Hvar sem ég leit voru Maniac-ar takandi myndir og auðvitað skellti ég mér inná þær enda ekki með vél... svo voru allir símarnir og allt sent beint á Maniac-síðuna á Facebook. Snilld að hafa merkt klósett.

Það var hlýrra en undanfarin ár... og ég í síðum buxum og hafði ætlað að byrja í langermabol og binda hann síðan utan um mig... en ég setti hann í gear-check... ég hljóp í nýjum MM hlýrabol :) 

Það var tekin hópmynd fyrir framan startið, 5 mín. fyrir start kl 6 am. 

Við hlaupum niður... og upp og niður risastórt gil... byrjuðum í ca 6.250 feta hæð og enduðum í um 4.500... Maður fann fyrir þunna loftinu. og hvílíkur mótvindur sem við fengum og glampandi sól. Vegna hitans og vindsins var ég hrædd um að drekka ekki nóg... en drakk síðan allt of mikið því ég fór 3svar á klósett á leiðinni.
http://www.utahvalleymarathon.com/utah-valley-marathon-map.php

Síðustu 4 mílurnar voru í Provo og þá lyngdi og hitnaði verulega, sennilega um 30°c... ég gekk meirihlutann af þeim mílum.

Sólarvörnin (30) dugði svo ég brynni ekki og ég slapp við bruna-nudd-sár. Verðlaunapeningurinn er æðislegur og peningurinn frá MM, geggjaður :)

Garmurinn minn mældi tímann 5:52:34 og vegalengdina 42,55 km
Maraþonið er nr 145 

http://www.youtube.com/watch?v=_I0mtzC0iaI
myndband frá Joe (The Marathon Show) 

Gögnin í Utah og Reunion hjá Marathon Maniacs

Við vorum frekar ferðaþreytt, keyrðum á 2 dögum frá Las Vegas til Lehi Utah. Við hefðum getað keyrt á einum degi en áætlunin breyttist hjá mér. Ég ákvað að hætta við að hlaupa Bear Lake á föstudaginn, ég er ekki í neinni æfingu og vil síður sleppa Utah Walley út af MM-Reunion-inu.

Við tékkuðum okkur inn á hótelið... opnuðum tölvuna til að sjá hvenær Reunion-ið byrjaði. Það passaði að fara strax til Provo... smá mistök hjá mér í pöntun, ætlaði ekki að vera svona langt frá. 

Númerið mitt er 6838... expo-ið ágætt. Ég hélt að þetta væri lítið hlaup en það er bara nokkuð stór viðburður. Ég fór í beint útvarpsviðtal...

Reunion-ið var svipað og í Appleton í fyrra. Fundurinn dróst því þeir voru alltaf að gefa séns, þeim sem komu of seint... Allir kynntu sig, það tók tíma svo að lokum var ekki tími fyrir hópmynd.

Við drifum okkur út, áttum eftir að setja inn í garminn, rúturnar, markið, kaupa nesti og kaupa okkur kvöldmat. Þegar ég var búin að taka saman dótið var klukkan orðin 8:30 og klukkan stillt á 2:30...  

 

R´N´R San Diego 3.júní 2012

Dodge Rock 'n' Roll Marathon & Half Marathon, Marathon Relay, San Diego, CA USA,  3.júní 2012
http://san-diego.competitor.com

Þetta var í 3ja sinn sem ég hleyp R´n´R í San Diego. Í hin tvö skiptin var flugvöllurinn gerður að bílastæði, rúturnar fóru þaðan á startið og svo endaði hlaupið í göngufæri við bílana... Nú hafa þeir fært markið að Sea World... sem þýddi rútu í bílana, engin bílastæði fyrir almenning hjá markinu (aðeins VIP) svo Lúlli beið allan tímann á hótelinu... skítt fyrir hann.

 Ég fór snemma að sofa, en það var laugardagskvöld og ég vaknaði við læti á hótelinu. Gat sem betur fer sofnað aftur því klukkan hringdi kl 2:30... Ég vildi vera viss um að fá bílastæði við Sports Arena sem var aðal bílastæðið en ekki einhversstaðar úti í buskanum.

Ég var komin þangað rúmlega 4:00 og beið í hálftíma í bílnum áður en ég fór í rútuna. Ef ég hefði haft vekjaraklukku þá hefði ég sofnað smá stund. Ég tékka ekki inn dót nema ég sé ein, það hefði verið of kalt að bíða jakkalaus frá 5 til 7:30...

Maniac myndatakan tókst vel, ég fæ myndirnar á facebook og email... sniðugt :) Við hittumst á kirkjutröppum við minn corrall (25) kl 6 am.
Við vorum ekki mörg, Maniac-arnir eru farnir að forðast R´N´R maraþonin. Þau eru dýr og reynt að selja allt, VIP-klósett, bílastæði, skuttlur og fl. Svo eru þau orðin svo stór að skipulagning fer oftar úr böndunum, seinkun á starti, menn villast og fl.

Fyrsta ræsing var 6:10... hjólastólar en frá 6:15 var ræst með 5 mín millibili hver corrall... og ég í nr 25... Ég get ekki annað en verið sátt að hafa komist í gegnum þetta - æfingalaus með öllu - Hitinn var nokkur en ekki óbærilegur því það var skýjað, en rakinn var mikill, á tíundu mílu var ekki þurr þráður á mér en það þornaði á síðustu mílunum við sjávarsíðuna. 

Þetta maraþon er nr. 144
Garmurinn mældi tímann 5:41:?? en vegalengdina alltof stutta því það datt svo oft úr gervihnattasambandi. (Gleymdi úrinu útí bíl)

Við keyrðum strax eftir hlaupið til Las Vegas... um 350 mílur og var ég alveg komin í eina krumpu eftir ferðina. Við verðum hér í 3 daga.

Palace Station, Hotel and Casino
2411 W.Sahara Ave, Las Vegas, NV 89102
PalaceStation.com  

 

Gögnin sótt fyrir R´N´R San Diego

Expoið var í Convention Center og þessi Rock N Roll maraþon eru orðin tómt peningaplokk... Í fyrsta lagi eru aðgangurinn rándýr, fokdýr bílastæði þegar maður nær í númerið... allt orðið selt þar inni á uppsprengdu verði... svo er aldrei byrjað og endað á sama stað... sem þýðir strætó-vesen og mér sagt að núna verði maður að kaupa sér Trolley miða til að komast frá markinu í bílinn sinn... GEðveikTTTTT.... 

Það verður Maniac-myndataka kl 6:00 þannig að ég þarf sennilega að leggja af stað héðan, niður á bílastæði kl 4:00... sem þýðir að ég þarf að vakna í síðasta lagi 2:30  

Nashville TN, 28.apr.2012

Country Music Marathon & Half Marathon, Kids Marathon
Nashville, TN USA  28.apríl 2012  http://nashville.competitor.com 

Ég var búin að bylta mér nokkrum sinnum áður en klukkan hringdi 3:15. Ég borðaði kringlu með osti - ekkert kaffi... það var agalegt. Síðan tók þetta venjulega við í undirbúningi fyrir hlaup...

Við bárum allt út í bíl og ég tékkaði okkur út kl 4:40... við vorum svo heppin að vera búin að fara á Finish í gær og Garmin lét okkur fara út af hraðbrautinni á öðru exiti en flestir aðrir fóru, svo við fengum strax bílastæði við hliðina á rútunum og endamarkinu. Hérna verður Lúlli að bíða þar til ég kem í mark.

Ég ætlaði að bíða í hálftíma í bílnum, en fólkið dreif svo að, km-löng biðröð í rúturnar svo ég skellti mér í röðina. Þegar ég var komin á staðinn - leitaði ég að Maniac- og half-fantics því ég ætlaði sko ekki að missa af hópmyndinni.

Maraþonið var ræst í hópum, sá fyrsti kl 7:00... það var strax farið að hitna. Ég sá á hitamæli snemma á leiðinni að það var 25°hiti og það hitnaði eftir því sem leið á morguninn. Leiðin var ekkert nema brekkur... hver skipuleggur þetta bull ;)... 

Ég fékk -farðu-nú-að-hætta-þessu-verki- á þrem stöðum, fyrst í hægra hné... aldrei fundið fyrir hnjánum áður, síðan í hælnum og svo í mjöðminni... en svo hurfu þeir. 

Hitinn hækkaði, sólin skein og á 17 mílu voru allir hættir að hlaupa og farið var að útdeila klaka á drykkjarstöðvum... Fólk sýndi merki ofreynslu... Ég fékk mér kaldan bjór á 23 mílu... 

Ég hef ekki hugmynd hvað maraþonið mældist því garmurinn dó á leiðinni :/ en maraþonið er nr 143 og var hlaupið til heiðurs Gunnlaugi A Jónsyni Gt-kennara sem er 60 ára í dag. 

Gögnin sótt í Nashville TN

Gögnin voru í Nashville Convention Center í miðborginni og oft erfitt að fá stæði, en eftir smá hringsól fengum við stæði í bílastæðahúsi. Ég mundi eitthvað eftir síðasta skipti þegar við vorum hérna... en þetta er oft svo líkt.

Við vorum ekki lengi á staðnum, expo-ið var stórt en það var heitt í dag og lítur út fyrir að verða heitt á morgun... Við erum búin að ákveða hvernig morgundagurinn verður. Klukkan verður stillt á 3:15 og ég verð að vera komin í skuttluna á startið kl 5:15 og í Maniac-hópmynd kl 6:30

Vormaraþon FM 21.4.2012

Ég hef ekki staðið mig undanfarið, gleymdi að blogga að ég hjólaði 15 km síðasta mánudag og hljóp 8,5 km á þriðjudag.

Í morgun... snemma (4:46) lagði ég af stað í Vormaraþoninu, ég fæ alltaf að byrja fyrr. Það var myrkur þegar ég mætti á staðinn og 4,2 stiga frost - það bjargaði því að það var logn - en maður minn hvað kuldinn beit.

Ég var varla komin af stað þegar það var orðið albjart. Mætti fleiri kanínum en fólki í fyrri hring. Í seinni hring vildi þannig til að Rögnvaldur var ræstur rétt eftir að ég snéri. Það hlýnaði í seinni hring en blés aðeins köldu.

Þegar ég var uþb hálfnuð til baka í seinni hring, fór ég að finna fyrir krampa í kálfum... svo ég gekk töluvert eftir það... ekki skrítið miðað við æfingaleysið á mér... ég hef bara hlaupið tvisvar í viku síðan í nóvember... Kom fyrst í mark ;) enda voru hinir ræstir kl 8:00...  hehe...

Þetta maraþon er nr 142 hjá mér
garmurinn mældi það 42,55 km og tímann 5:12:01

Rock´N´Roll Phoenix Arizona 15.jan. 2012

P.F. Chang's Rock 'n' Roll Arizona Marathon & Half Marathon, Phoenix, Scottsdale & Tempe, AZ USA, 15.jan 2012
http://arizona.competitor.com/

Klukkan vakti okkur kl 4:30 (bara lúxus)... ég svaf bara vel þessa nótt. Morgunmatur í rúminu og fastir liðir eins og venjulega við undirbúninginn fyrir hlaupið. Í fyrramorgun var frekar kalt áður en sólin kom upp svo ég tók með mér hlýrra utan yfir mig þegar við lögðum af stað rétt fyrir kl 6.

Við gerðum ráð fyrir að fá ekki bílastæði nálægt og Lúlli þyrfti bara að sleppa mér út... en við vorum heppin - komum snemma og fengum stæði við götumæli rétt við startið.

Við gegnum á startið og fundum Maniac... og þegar við gengum á hitti-staðinn fyrir myndatökuna 6:45 - bættust stöðugt fleiri í hópinn. Ég kynntist nýjum og sá sem skráði mig í 50 States Club kom en hann er Maniac nr 141

Maraþonið var ræst 30 mín of seint... engin skýring gefin. Brautin var tiltölulega slétt, lá frá Phoenix gegnum Scottsdale og markið í Tempe. Veðrið var mátulega hlýtt eftir að lagt var af stað og skýjað allan tímann. Þegar nokkur skref voru í mark komu nokkrir dropar. Allt var sem sagt í besta lagi, ég vel sofin og en algerlega æfingalaus og það dró mig niður. Þrátt fyrir æfingaleysið fékk ég ekki krampa og tók ekki Ibufen.

Þetta maraþon er nr 141,
Garmurinn mældi leiðina 42,4 km og tímann 5:55:48