Margt í mörgu

Þetta fer að verða vani að telja upp hreyfingu vikunnar - eða síðustu daga.

30.6... fór ég með Berghildi, Lovísu og Matthíasi og litlu fjölskyldunni Bryndísi Líf, Emilíu Líf og Símoni Má á Helgafell. Þetta var fyrsta gangan hjá langömmu-dúllunni - reyndar fékk hún sætaferð á baki foreldranna bæði upp og niður. Það var gott veður en aðeins of mikill vindur. Fundum 1 spjald í Ratleiknum.
Eftir Helgafellið var aðeins kíkt ofan í einn Kaldárselshellanna.

2.7... hjólaði ég 23,1 km aðallega eftir Reykjanesbrautinni.

3.7... hjóluðum við hjónin um bæinn, 13,7 km og svo hljóp ég með Völu 9 km eftir það.

5.7... hljóp ég hring um Ástjörnina og Vellina, samtals 7,5 km í grenjandi rigningu og rokrassi. 

Hreyfing síðustu daga ;)

20.júní notaði ég tækifærið þegar maðurinn þurfti að mæta í Kópavogi að vera samferða honum og hlaupa heim frá Hringtorgsbrúnni... ég hljóp inn í gamla 20 km-hringinn minn, hljóp niður að Arnarnesi og meðfram Sjálandinu að Álftanesvegi og inn í Hrafnistuhringinn og heim... þetta var góð tilbreyting en var aðeins 11,5 km langt.

23.júní gekk ég á Esjuna með stóru systur (Berghildi), yngstu dóttur (Lovísu) og 4 barnabörnum (Bryndís Líf, Ísak Lúther, Adam Dagur og Gabríel Natan)...  

24.júní hjóluðum við Vala upp í Kaldársel, gegnum á Helgafell og hjóluðum til baka... fyrir mig var hjólatúrinn 19,1 km og Helgafellið var 5 km.

25.júní hjólaði ég í Grafarvoginn, sótti Matthías í leikskólann og eftir að hafa borðað kjúklingasúpu hjá Lovísu, hjólaði ég til baka... það gerði 42,3 km 

26.júní var ógeðslega leiðinlegt veður fyrir hádegi, svo ég fór í þrif... og þegar þau voru afstaðið var komið ágætis veður svo ég fór út í hlaupaskónum, hljóp upp Krísuvíkurveginn... 12,3 km.

Síðustu dagar hafa því ekki verið hreyfingarlausir þó bloggið hafi ekki hreyfst úr stað ;) 

Uppfærsla ;)

12.júní hjólaði ég 25,7 km í ágætisveðri.
14.júní hjólaði ég 11,3 km (ég er að komast í gang aftur)
15 júní hljóp ég upp Krísuvíkurveginn og snéri við eftir 7 km svo það urðu 14 km alls.

16.júní fórum við hjónin í Hjólamessu... hjólað á milli 6 kirkna og einn messuliður fluttur í hverri. Byrjuðum í Ástjarnarkirkju fórum þaðan í Hafnarfjarðarkirkju, Fríkirkjuna, Víðistaðakirkju, Garðakirkju og enduðum í Bessastaðakirkju. Fram og til baka urðu þetta alls 22,2 km. Veðrið var gott og fjölmenni sem hjólaði.

Á þjóðhátíðardaginn 17.júní tókum við Vala daginn snemma og hlupum Hrafnistuhringinn okkar fyrir hádegi í ágætis veðri. Ég hélt það væri kalt þegar ég lagði af stað en það var mjög hlýtt, ég meira að segja brann undir annarri hendinni. Hrafnistan 12,5 km.

Í roki og rigningu

Ég var of fljót að hæla veðrinu... Það var rok og rigning þegar ég hljóp til Völu og veðrið lagaðist ekkert á leiðinni. Við vorum rokbarðar og hundblautar eftir hringinn okkar. Það var bót í máli að það var hlýtt, svo hlýtt að ég renndi ermunum aftur af.

Hrafnistuhringurinn með aukahring um hús foreldra Völu, 12,7 km :) 

Held að sumarið sé loksins að koma :)

Við Vala hlupum í dag... í blíðskaparveðri... það var svo hlýtt að við renndum ermunum af jökkunum okkar... það er saga til næsta bæjar þegar Vala gerir svoleiðis.

Ég var svolítið þreytt... stressaðist aðeins af stað í byrjun og fékk ,,farðu hægar-verk" í annan fótinn. Það lagaðist síðan - sem betur fer.

Hrafnistan 12,5 km í blíðu og stríðu :) 

Í roki og rigningu

Síðasta laugardag skrapp ég aðeins út, hljóp upp Krísuvíkurveginn, planið var að prófa mig - ég hef aldrei farið 4 maraþon á 6 dögum áður... ég hef hvílt í viku og var merkilega góð. Það var hvasst og svo byrjaði að rigna - ég lét 9 km nægja enda nóg að gera við að undirbúa fyrir Dag sjóræningjans daginn eftir.

Á sjómannadaginn fékk ég tak í bakið þannig að ég afboðaði mig með Völu í gær, en hljóp prufuhring í dag. Hringurinn átti ekki að vera langur - bara rétt út fyrir dyrnar því það var ömurlegt veður, skaðræðisrok og rigning... konan endaði samt með því að fara gamla góða Hrafnistuhringinn...

Held ég verði góð þegar ég hleyp með Völu næsta fimmtudag ;)

Hrafnistuhringur 12,5 km 

New England Challenge #5 Old Colony Marathon, 24.5.2013

OLD COLONY MARATHON Springfield, Massachusetts

Friday May 24, 2013 - 6am Start
Four laps of 6.24 Miles, plus 1.24 Miles at start
http://www.newenglandchallenge.org/oldcolony.html

Við vorum 4 mílur frá Forrest Park þar sem startið var, svo ég stillti klukkuna á 4 am... Síðan reyndi ég að fara snemma að sofa. Það lítur ekki vel út með veður, það hefur verið úrhelli í dag... síðan er það hlaupagallinn... ég verð að hlaupa undan vindi í fötum sem ég skolaði um daginn.

 

Þegar klukkan hringdi byrjaði venjulegur undirbúningur, hella á kaffi, borða, vasilín, teypa tærnar og troða sér í aðeins rök föt. GOTT að þetta er síðasta maraþonið í þessari ferð.

 

Lúlli varð eftir á mótelinu, Joe við hliðina fékk að elta mig í garðinn... veðrið var nokkurnveginn þurrt. Hlaupið var ræst kl 6 eins og hin en þetta er síðasta hlaupið í NEC-seríunni.

 

Eins og vanalega var myndataka áður, af þeim sem hlupu í dag og þeim sem eru að klára séríuna. Þetta maraþon er jafn erfitt og hin, þó hringirnir séu mislangir þá eru þeir allir í einhverjum görðum með bröttum brekkum bæði upp og niður. Hringirnir í dag voru frekar langir og aldrei þurrt á leiðinni. Ég fékk blöðru á annan hælinn í öðru maraþoninu og hún plagaði mig fyrstu tvo hringina - síðan held ég að hún hafi bara fyllt út í skóinn og stífað mig af 

 

Þegar við Nick nálguðumst markið sáum við að það vantaði mílu upp á vegalengdina, svo við stöggluðumst við að bæta við leiðina, hlupum í allar áttir þar til við náðum 26,1 og fórum í gegnum markið, en þeir sem voru ekki með garmin... ???

 

Garmin mældi leiðina með viðbót 26,1 mílu og tímann 6:32:55

Þetta maraþon er nr 160 

New England Challenge #3 Rhode Island 22.5.2013

RED ISLAND MARATHON

Warwick, Rhode Island

Wednesday May 22, 2013 - 6am Start
Nine laps of a 2.7 mile loop (24.3 miles), plus a short out and back of 1.9 miles for the Marathon distance of 26.2 miles.
http://www.newenglandchallenge.org/redisland.html

Þetta er í eitt af afar fáum skiptum sem ég merki ekki startið á Garmin daginn áður. Flestir sem ætla að hlaupa á morgun gista á þessu hóteli. Og við erum svo heppin að morgunmaturinn byrjar 4:30.

Klukkan vakti okkur 3:45 og ég var enn þreytt, hafði ekki sofið vel, ég fór of seint að sofa og það stressar mig rosalega. Við Lúlli ákváðum að hann biði bara á hótelinu, veðurspáin var miklar líkur á rigningu... svo ég klæddi mig samkvæmt því.

Það var litskrúðugt lið Maniac-a og 50 Staters sem hékk á hurðarhúninum við matsalinn 4:30, meira að segja maðurinn sem stjórnar hlaupinu var að spurja til vegar í garðinn sem hlaupið var í.

Við ætluðum að keyra í halarófu en rauð ljós og aðrir bílar sem komu inn í urðu til þess að ég villtist í myrkrinu... fór einhverja mílur afvega en náði að rétta mig af og ná hlaupinu í tíma.

Það er mikið til sama fólkið sem er að hlaupa þessa seríu, þó sá ég ný andlit í dag og aðrir hættir. Í gær hlupum við 5 hringi í dag eru þeir 9... Flestir kalla mig bara "Iceland"

The Marathon Man var þarna, ástrali sem ætlar að setja nýtt met í fjölda maraþona á árinu, ætlar að hlaupa 157, hann hlýtur að búa hérna núna... það halda flestir hér að ég búi í USA. Þá hljóp einfættur maður með fót frá Össur með mér bæði í gær og í dag.

Veðrið hélst skaplegt og því var ég ofmikið klædd í hlaupinu... svo ég gerði þau mistök að fara úr langermabolnum og er nú öll útstungin eftir moskito. 

Garmin mældi vegalengdina 26,21 mílu og tímann 6:37:22
Þetta maraþon er nr 159 

New England Challenge #2 NH The Granite State, 21.5.2013

GRANITE STATE MARATHON
Nashua, New Hampshire
Tuesday May 21, 2013 - 6am Start
http://www.newenglandchallenge.org/granite.html

Klukkan var stillt á 3:30. Við höfðum sofið óvenju vel og lengi. Þegar ég var að tékka okkur út, var hálft hótelið líka að fara, flestir voru Maniacs að fara í hlaupið.

 

Ég held þetta sé í fyrsta sinn sem ég hleyp maraþon á þriðjudegi, er annars ekki viss þar sem ég hef tvisvar hlaupið á nýjársdag í Texas.

Þetta maraþon er nr 2 í seríunni NEW ENGLAND CHALLENGE sem byrjaði í gær.

Við höfðum farið á startið daginn áður... og vorum mætt tímanlega. Veðrið var ágætt og hélst ágætt, einu sinni kom góður rigningarskúr og síðustu tímana var verulega heitt, sennilega fór hitinn yfir 80°F.

 

Leiðin var ekki vel merkt eða mæld... en ég gat stytt síðasta hringinn til að lenda rétt ofan við vegalengdina, með því að snúa við í síðasta hring á drykkjarstöðinni sem var 2 mílur frá upphafsreit. Við vorum á skógarstígum, upp og niður trail, moldar-eða malar stígar.

 

Garmin mældi leiðina 26,29 mílur og tímann 6:26:38
Þetta maraþon er nr 158

 

Fleiri myndir á Facebook :)

Shires of Vermont Marathon 19.5.2013

Shires of Vermont Marathon
Bennington, VT USA, 19.maí 2013
http://ShiresofVermontMarathon.com

Klukkan átti að vekja okkur 4:50 en við vorum vöknuð. Ég svaf ágætlega en alla nóttina var ég að fyllast af kvefi. Gott að vera nálægt startinu og þurfa ekki að vera 40 mín í amerískum strætó til að komast á startið.

Við fórum um kl 6:20 á startið, því það var áætluð Maniac-og 50 Staters-myndataka kl 6:35. Auðvitað voru flestir af þeim sem völdu fyrra-start annað hvort Maniacs eða 50 Staters.

Það var ræst kl 7, veðrið vel hlýtt og rakt, spáð rigningu upp úr hádegi... hlaupaleiðin var mjög falleg, snyrtilegir garðar og hús við sveitavegi sem enginn á leið um nema þeir sem eiga heima þarna. Þess vegna var leiðin mjög einmannaleg.

Ég hengdi mig á hjón sem hlupu eftir Gallaway, 1 mín hlaup - 1 mín ganga. Ég hef 3 maraþon framundan næstu daga svo það þýðir ekkert að æsa sig. Þetta gekk mjög vel eða þar til löngu brekkurnar byrjuðu í kringum 10 mílu, þá týndi ég þeim.

Tvisvar á leiðinni var langur hluti leiðarinnar á möl og rigningarúði en mér tókst að klára áður en demban byrjaði. Ég komst heilu og höldnu í mark, fékk mér að borða og kaffi og tók strætó til baka þar sem Bíðari nr 1 beið samviskusamlega eftir mér :D

Garmin mældi leiðina 26,68 mílur og tímann 6:03:59
Þetta maraþon sem er nr 157 var hlaupið til heiðurs Matthíasi ömmukrútti sem er 4 ára í dag :)