Oklahoma Marathon 26.4.2009

Oklahoma City Memorial Marathon & Half-Marathon, 5P Marathon Relay, 5K Memorial Walk, Oklahoma City, OK USA  26. april, 2009
http://www.okcmarathon.com

Klukkan vakti mig kl 3:30, samt er mjög stutt á startið. Svona vil ég hafa það - ekkert stress. það fyrsta sem ég gerði var að kveikja á tölvunni og hella á kaffi. Bíðarinn beið við tölvuna - hún er komin inn... og við kjöftuðum í gegnum MSN á meðan ég teipaði á mér tærnar.
(Nú er MSN-ið horfið úr tölvunni...  og ég get ekki talað við Bíðarann, ég hef eytt 3 klst í að leita að msn-inu og reyna að setja inn myndir og nú er ég búin að gefast upp, set myndirnar inn seinna)

Ég fór út rétt eftir kl. 5, enda geta bílastæðamálin veríð kílómetraraðir. Ég var heppin, þrátt fyrir að komast ekki í bílastæðahúsið sem ég ætlaði... það var búið að loka götunni. Ég lagði hjá einhverri bílastöð og bað svo konuna í næsta bíl að merkja inn á kortið mitt hvar við værum... Við vorum rétt hjá.

Venjulega þarf ég ekki að tékka inn dót fyrir hlaupið en nú gerði ég það... jakka, myndavél, bíllykla og bílastæðakortið... jakkinn var bara til að hlífa myndavélinni. Það var heitt úti og hvílíkt rok, það fauk allt laust, meira að segja litlir bakpokar.
Veðrið: Hitinn var 71°F í upphafi en var kominn í 78°F í lokin, loftrakinn var 62% og vindurinn var 26-30 mph, sem ég held að þýði mílur á klst... annars veit ég það ekki enda er ég ekki veðurfræðingur

Hlaupaleiðin var ágæt, rolling hills eins og þeir kalla það...  kannski aðeins of mikið af þeim og svo var það þessi stífi mótvindur síðustu 13 mílurnar... maður var svolítið þreyttur á þessum barningi til baka.
Hlaupið var mjög vel skipulagt, frábær þjónusta á leiðinni, nokkuð um áhorfendur og í markinu var allt til alls, eins og á veitingahúsi, nýsteiktir Carls Jr hamborgarar http://www.carlsjr.com  FLOTTUR PENINGUR

Maraþonið mældist 42.69 km og mín tímataka segir tímann minn vera 5:25:17 en ég hef sjaldan verið eins fegin að koma í mark og þarna... finnst ég mjög blessuð yfirhöfuð að komast í markið.

Þetta er 105 maraþonið mitt, 7. á þessu ári,
Oklahoma er 36. fylkið mitt... 14 eftir

Athugasemdir

[þóra hrönn njálsdóttir (IP-tala skráð) 27.4.2009 kl. 09:49]

Til hamingju með þennan áfanga Bryndís. Það styttist í að þú ljúkir Ameríku. Ég tek ofan fyrir þér því þú ert svo dugleg.

Kveðja,

Þóra Hrönn

[soffia kristinsdóttir (IP-tala skráð) 27.4.2009 kl. 14:09]

til   hamingju  með þetta maraþon  elsku  Bryndís  og gangi þér vel með

                           næsta, farðu vel með  þig, viturlegt  að teipa  fyrir tærnar,

                                          kveðja    Soffía.

[Bryndís Svavarsdóttir, Marathon Maniac # 3942, 27.4.2009 kl. 14:14]

Samkvæmt úrslitum hlaupsins var flögutíminn 5:25:15

Bryndis Svavarsdottir (F)

5:25:15

1911

665 / 37

F50-54

[Bryndís Svavarsdóttir, 28.4.2009 kl. 13:17]

Ég frétti á leiðinni hingað (í gær) að það hefði komið í útvarpinu að konan sem var önnur í mark í maraþoninu hefði dottið niður í markinu... ef hún hefði ekki verið í alvarlegu ástandi hefði ekki verið sagt frá því í fréttum.
Nú er ég komin út úr fylkinu svo ég hef ekki frétt hvort konan náði sér eða ekki... og ekkert er skrifað um þetta á síðu hlaupsins...
Ég hef þrisvar verið í maraþoni þar sem menn hafa dáið á marklínunni.