Sami rokrassinn...

Það þýðir ekki að fresta því sem er ekki flúið að gera... svo ég dreif mig út rétt fyrir hádegið... það var sami rokrassinn og í fyrradag. En hringurinn skildi hlaupinn hvað sem það kostar. Ég sleppti því að hlaupa í gær, var með hausverk allan daginn af því hve ég hnýtti axlirnar upp í vindinn í fyrradag. Maður kvartar bara smá og lætur sig svo hafa það.

Nú er kominn þessi tími þegar ég er að kafna af ilminum af öspinni, ótrúlegt hvað hann virkar eins og steypa ofaní lungun á mér.

Hrafnistuhringurinn 12,5 km... var jafn erfiður í mótvindinum og í fyrradag en ljósi punkturinn var auðvitað að það hvorki rigndi eða snjóaði.

Allt á móti - nema Vala

Það var hrikalegt rok í dag... ótrúlegt að ég skildi ekki ákveða að hvíla í viku eftir að ég kæmi heim. Maður er oft þreyttur í viku eftir heimkomu - ekki bara viku frá síðasta maraþoni.

En ég mætti fyrir utan vinnuna hjá Völu kl 5. Við hlupum Hrafnistuhringinn sem mælist 12,5 km fyrir mig... hvílíkt rok þegar við snérum við... stundum tommuðum við varla, mér fannst allt vera á móti mér - NEMA VALA

Veit ekki hvað ég hefði verið lengi ef hún hefði ekki dregið mig áfram.

Þetta gengur ekki.... fer út á morgun

Á morgun segir sá lati... og ég var svo sannarlega löt í dag. Veðrið var ógeðslegt, ég fór ekki út fyrir dyr, ekki einu sinni með ruslið... en ég bakaði smákökur :)

Það dugar ekki að hanga inni - ekki á ég hlaupabretti. Á morgun stefni ég á Hrafnistuhringinn, spurning hvort ég fæ einhvern með mér?

Kom heim beint í Flugleiðahlaupið

Kom heim í gærmorgun eftir 19 tíma ferðalag frá Colorado. Lagði mig í nokkra tíma f.h. því ég svaf ekkert á leiðinni og skellti mér síðan í Flugleiðahlaupið kl 7 um kvöldið

Það var frekar kalt og mikið rok... Hringurinn er alltaf sá sami þ.e. kringum flugvöllinn. Þátttaka í hlaupinu var góð, nokkuð um að krakkar hlypu með foreldrum. Ég verð nú að segja að ég saknaði þess að fá ekki verðlaunapening eins og hefur verið vaninn ... en hlaupið átti 15 ára afmæli. 
Ég var svo heppin að fá útdráttarverðlaun

Fort Collins Old Town Marathon 3.5.2009

Fort Collins Old Town Marathon & Half Marathon, 10K, 5K, Kids Run
Fort Collins, CO USA 3.maí 2009
http://ftcollinsmarathon.com

Ég veit hreinlega ekki hvernig ég svaf ... en ég var vöknuð áður en klukkan hringdi kl 2 í nótt. Ég fór í gegnum ferlið af vana, hellti upp á kaffi,  ræsti tölvuna og Bíðari Nr.1 hringdi strax á msn-inu, ég teipaði tærnar og var komin út 3:50.

Það er ekki oft sem hlaup bjóða upp á frí stæði í bílastæðahúsi eins og hér var gert. Rúturnar biðu fyrir utan. Ég fór með fyrstu rútu... mikið hrikalega er leiðin löng þegar maður keyrir hana um nótt. Við vorum keyrð upp í gil fyrir norðan bæinn.

http://ftcollinsmarathon.com/elevationmap.html
Upphafspunktur var í 6.108 ft hæð... og endaði í 4.981 ft.

Hlaupið var ræst 6:15... strax á fyrsta km. stóð ég á öndinni í þessari lofthæð.  Það bjargaði mér að fyrri hlutinn var niður... en síðari helmingurinn var nokkuð flatur. 
Hitinn var 37°F í upphafi og raki í loftinu, mér var kalt á höndunum alla leiðina, samt hlýnaði þegar sólin fór að skína og ég nálgaðist bæinn.

Maraþonið mældist 42,7 km... og er hæst ánægð með tímann sem mældist 5:09:09 á mína klukku. Lilja, Linda og sonur hennar tóku á móti mér í markinu. Það var frábært af þeim  

Colorado er 37.fylkið mitt.... 13 eftir
Þetta maraþon er nr. 106...  8. á árinu.

Gögnin sótt í Fort Collins CO, 2.5.2009

Þetta var skrítin nótt... held ég hafi vaknað þreyttari en þegar ég fór að sofa og var ég að drepast úr þreytu þá.
Lilja var búin að segja mér að fólk (óvant mikilli lofthæð) væri þreytt hérna vegna lofthæðarinnar. Denver hér rétt fyrir sunnan er ,, The Mile High City"... eftir því að dæma er yfir 1600 metra lofthæð hér.

Ég byrjaði á að keyra þangað sem ég fer í rútuna... ca 10 mín keyrsla. Síðan fór ég að sækja gögnin sem voru afhent á Hilton hótelinu rétt hjá !
Þetta var lítið expo... MJÖG lítið expo...

Ég gerði mitt besta til að taka það rólega á eftir, hitti Lilju og Lindu dóttur hennar, en Linda býr 4 mílur frá áttunni minni. Lilja bauð okkur á Country Buffet og svo kíktum við smá í búðir. Ég ætla að fara snemma að sofa... þarf að vakna kl 2 í nótt.

Kominn Bíðari Nr 2

VELKOMINN  STEFÁN 

Það bættist í ,,bíðarahópinn" í dag.  Bíðari Nr 2 er Stefán Þórðarson höfundur Hlaupadagbókarinnar. Stefán bættist sjálfviljugur við... þ.e. af fúsum og frjálsum vilja... Bíðari Nr.1 hefur til þessa neyðst til að bíða eftir mér ... jafnvel núna þegar hann er heima.

Stefán veit ekkert hvað hann er búinn að koma sér í... en Bíðaraklúbburinn æfir ,,bið og þolinmæði" fyrir framan kvenfataverslanir, í boðum, á keyrslu og á pöbbum (kannski skemmtilegustu æfingarnar)... lengstu æfingarnar er sniðugt að sameina jólainnkaupunum.

Það verður að plana árshátíð Bíðara með góðum fyrirvara, þar sem félagarnir búa í sitt hvoru landinu...

Fyrir Bíðara nr 1 :)

   Bíðari Nr 1 kvartaði yfir því að verðlaunapeningurinn sæist varla á myndinni... svo ég set hérna inn aðra mynd og vona að hann sjáist betur á henni.

Í dag keyri ég frá Oklahoma City til Dodge City í Kansas, gisti þar í nótt og held síðan áfram til Pueblo West í Colorado á morgun.

Oklahoma Marathon 26.4.2009

Oklahoma City Memorial Marathon & Half-Marathon, 5P Marathon Relay, 5K Memorial Walk, Oklahoma City, OK USA  26. april, 2009
http://www.okcmarathon.com

Klukkan vakti mig kl 3:30, samt er mjög stutt á startið. Svona vil ég hafa það - ekkert stress. það fyrsta sem ég gerði var að kveikja á tölvunni og hella á kaffi. Bíðarinn beið við tölvuna - hún er komin inn... og við kjöftuðum í gegnum MSN á meðan ég teipaði á mér tærnar.
(Nú er MSN-ið horfið úr tölvunni...  og ég get ekki talað við Bíðarann, ég hef eytt 3 klst í að leita að msn-inu og reyna að setja inn myndir og nú er ég búin að gefast upp, set myndirnar inn seinna)

Ég fór út rétt eftir kl. 5, enda geta bílastæðamálin veríð kílómetraraðir. Ég var heppin, þrátt fyrir að komast ekki í bílastæðahúsið sem ég ætlaði... það var búið að loka götunni. Ég lagði hjá einhverri bílastöð og bað svo konuna í næsta bíl að merkja inn á kortið mitt hvar við værum... Við vorum rétt hjá.

Venjulega þarf ég ekki að tékka inn dót fyrir hlaupið en nú gerði ég það... jakka, myndavél, bíllykla og bílastæðakortið... jakkinn var bara til að hlífa myndavélinni. Það var heitt úti og hvílíkt rok, það fauk allt laust, meira að segja litlir bakpokar.
Veðrið: Hitinn var 71°F í upphafi en var kominn í 78°F í lokin, loftrakinn var 62% og vindurinn var 26-30 mph, sem ég held að þýði mílur á klst... annars veit ég það ekki enda er ég ekki veðurfræðingur

Hlaupaleiðin var ágæt, rolling hills eins og þeir kalla það...  kannski aðeins of mikið af þeim og svo var það þessi stífi mótvindur síðustu 13 mílurnar... maður var svolítið þreyttur á þessum barningi til baka.
Hlaupið var mjög vel skipulagt, frábær þjónusta á leiðinni, nokkuð um áhorfendur og í markinu var allt til alls, eins og á veitingahúsi, nýsteiktir Carls Jr hamborgarar http://www.carlsjr.com  FLOTTUR PENINGUR

Maraþonið mældist 42.69 km og mín tímataka segir tímann minn vera 5:25:17 en ég hef sjaldan verið eins fegin að koma í mark og þarna... finnst ég mjög blessuð yfirhöfuð að komast í markið.

Þetta er 105 maraþonið mitt, 7. á þessu ári,
Oklahoma er 36. fylkið mitt... 14 eftir

Gögnin sótt í Oklahoma City

Það er hlýtt og gott hérna, en sami vindurinn og heima... HOME SWEET HOME... þegar ég panta þessi hótel reyni ég að hafa þau sem næst upphafi eða endi, eftir því hvernig fyrirkomulagið er. Það voru 7 mínútur frá hótelinu á startið. Núna er bara stutt á milli start og finish, one block, svo ég verð að finna bílastæði nálægt og finna svo bílinn eftir hlaupið.

Expoið var ágætt, mikið til sölu og hellingur að kynna og gefa sýnishorn... ég gleymdi mér alveg í þessu. Var komin út þegar ég mundi að ég hafði ekki staðið mig og verð núna að biðja Bíðara nr 1 afsökunar... þetta gengur ekki, þjónustufullrúinn þarf að vera ,,með í ferð"... annars klikkar öll myndataka

Ég reyndi að bjarga þessu þegar ég kom aftur hótelið með því að taka mynd af númerinu  ætli það reddi mér út úr skömminni.