Peak Performance Maine Marathon 4.okt 2009

Peak Performance Maine Marathon & Maine Half Marathon, Portland, ME USA. 4.okt 2009
http://www.mainemarathon.com

Klukkan var stillt á 4:40... og ég hafði farið snemma að sofa um 9, en kl 10:30 hrökk ég upp, brunakerfið á mótelinu fór af stað... og ég svaf ekki vel eftir það - dottaði bara öðru hverju.
Hvað um það... Maine skyldi falla í dag.

Við vorum heppin með bílastæði
og Lúlli gat tekið myndir á startinu.
Síðan fór hann aftur á mótelið en ég fór í þrælaríið...
Hlaupið var ræst kl 7:45.  Hvað ég er seig að finna þessi brekkuhlaup - ÓTRÚLEGT EN SATT.

Þetta er hæðarkortið... http://www.marathonguide.com/coursemaps/elevationchart.cfm?MIDD=1173091004 

Ég held ég hafi sjaldan verið eins þreytt allt hlaupið... en ég skyldi klára það. Ég endaði með að ganga mikið í seinni helmingnum... var að drepast úr vöðvabólgu (skóla-tölvu-bólgu) í öxlunum og niður í bak.
Svo var ég með blöðru á hælnum síðan í gær og eitthvað bættist við í dag. Ég hef sjaldan verið eins fegin að komast í mark og þar beið Bíðari nr 1 með myndavélina. Þá var bara sturta, matur og hvíld á dagskrá... og Walmart, Best Buy og eitthvað fleira.

Tíminn á mína klukku var 5:59:58 og maraþonið mældist 42.2 km
Þetta maraþon er nr. 116 og Maine 43. fylkið... 7 eftir.

New Hampshire Marathon 3.okt. 2009

New Hampshire Marathon & 10K, 5K Race Walk, Health Walk, Bristol, NH USA 3.okt 2009
http://www.nhmarathon.com

Við keyrðum frá Tilton til Bristol í gær, en komum of snemma fyrir expo-ið. Þeir leyfa líka afhendingu gagna fyrir hlaup svo við keyrðum bara til baka. Það á að starta kl 9

Klukkan var stillt á 5:30, við þurftum að tékka okkur út um morguninn og vorum lögð af stað kl. 7:30

Við vorum búin að tékka á öllum staðsetningum, svo það var ekkert mál að finna staðinn. Það var ausandi rigning og þurrkurnar á mesta og höfðu varla undan. Við vorum með plast-regnkápur.

Hlaupið var ræst á réttum tíma og rigningin lét ekkert undan. Ekki get ég sagt að leiðin hafi verið skemmtileg, við hlupum meðfram umferðinni... haustlitirnir voru rosalega flottir... fyrstu kílómetrana - svo hætti maður að taka eftir þeim. Leiðin var ekkert nema brekkur og það sem þeir kalla rolling hills... og svo var þessi ausandi rigning.

Þetta er hæðarkortið http://www.marathonguide.com/coursemaps/elevationchart.cfm?MIDD=1171091003 

Mér tókst að klára þetta maraþon rétt undir 5 og hálfum tíma og þá keyrðum við beint til Portland Maine og sóttum gögnin fyrir næsta maraþon.

Tíminn á mína klukku var 5:29:37 og mældist 42,69 km.
Maraþonið er nr. 115 og fylkið nr 42..... 8 eftir

Ég verð að setja inn myndir þegar ég kem heim, því nýja vírusvörnin hafnar myndavélinni.

Stutt í dag

Veðrið var hundleiðinlegt, rok og rigning. Við Soffía hlupum Norðurbæjarhringinn saman. Af því að ég er að fara í hlaup um næstu helgi, þá keyrði ég til hennar í stað þess að hlaupa að heiman.
Hringurinn mældist 5,2 km eins og venjulega.

Hjartadagshlaup

Veðrið var bara hjartastyrkjandi... rok en maður slapp að mestu við rigningu. Ég valdi að hlaupa 10 km. Þetta er í fyrsta sinn sem ég tek þátt í þessu hlaupi og er það bara ágætt. 

Ein í Hrafnistuhring

Veðrið var ekki svo slæmt þegar ég fór út, amk var þurrt... ég var ein á ferð, Soffía að vinna, Vala í fríi... Ég var ekki hálfnuð þegar rokið og síðan rigningin tóku völdin... og kom ég hundblaut heim og þá hætti að rigna   
Hrafnistuhringurinn var þraukaður þó ég finni enn aðeins fyrir steininum í maganum... 12,5 km

Áslandsbrekkurnar

Ég gat ekki hlaupið með Völu á þriðjudag... var hreinlega með stein í maganum. Nú er ég orðin nokkuð góð og hitti Soffíu kl 11 til að fara Áslandsbrekkurnar. Veðrið var ömurlegt í morgun en það var ágætt á meðan við hlupum. Ég er að spá í að fara Hrafnistuhringinn eftir skólann á morgun.
Hringurinn mældist 13,2 km 

Norðurbærinn með Soffíu

Það heldur manni við efnið að hlaupa ákveðinn hring, ákveðinn dag með ákveðnum hlaupafélaga. Ég hljóp með Soffíu hring um Norðurbæinn fyrir hádegið, hún var á seinni vakt í dag og ég á að mæta kl 3 í skólann á mánudögum.
Veðrið var gott á meðan við hlupum, en svo breyttist það, var ekki eins vinsamlegt þegar ég hljóp ein heim... þá kom rok og rigning.
Þetta voru 12,3 km í dag.

Á morgun hitti ég Völu kl 5... Hrafnistan... klikkar aldrei

Áslandsbrekkur með Soffíu

Það féll niður tími í HÍ svo ég gat hitt Soffíu kl 11 við Lækjarskóla. Veðrið var ágætt. Við fórum brekkuhringinn okkar... samtals 12,9 km hjá mér.

Það er frábært að vera búin með ,,skammtinn" fyrir helgina... og geta nú legið í bókunum á náttfötunum

Ein á ferð

Ég dreif mig út í hádeginu, var búin að berjast við ritgerð í Jesaja í morgun... það var tilvalið að hlaupa aðeins þó það væri leiðinda-rigningar-suddi og mótvindur.

Hrafnistuhringurinn 12,5 km steinlá... og ég bara ánægð með mig

Hrafnistan með Völu

Ég hljóp til Völu og við áttum frábæran tíma saman... Við hlupum Hrafnistuhringinn... með tilheyrandi roki á móti... en við komust alla leið og ég skilaði Völu heim til sín... þá lengdist hringurinn örlítið hjá mér... var 12,8 km