Garðabær með Þóru Hrönn

Veðrið var dásamlegt. Ég lét keyra mig heim til hennar svo km stemmdu við áætlunina, við byrjuðum í 7°c og vorum fljótlega komnar úr jökkunum. Sólin skein og algert logn.  Hringurinn var frábær, við reyndum að hemja okkur, hnipptum í hvor aðra til að hægja á okkur... það er ekki lengur treystandi á mig að halda jöfnum hraða - ÞETTA ER DÁSAMLEGT 

15 km í sól og sælu  

Ein, seint á ferð

Það æxlaðist þannig eitt af öðru... að ég komst ekki út fyrr en undir kvöldmat. Hljóp Hrafnistuhringinn ein í ágætisveðri og í ágætis formi.

12,5 km  

Þessar dásamlegu brekkur

Ég er farin að stytta vegalengdirnar, átti að fara 8 km í dag og fannst snilld að keyra niður að Lækjarskóla. En maðurinn var farinn á bílnum svo ég hljóp niðureftir. Hitti Þóru Hrönn og Soffíu. Við fórum Áslandsbrekkurnar... ég kvaddi þær síðan við Suðurbæjarlaugina og hljóp heim.

Ég fékk 9,8 km út úr þessu  

Með Völu

Ég mætti í vinnuna til Völu án þess að hafa talað við hana áður. Veðrið var sæmilegt, rigningin hékk í loftinu, við Vala smellum svo saman að ég man ekki hvort það rigndi eitthvað. Hrafnistuhringurinn er fastur liður á þriðjudögum... 

12,5 km með bros á vör  

Frábær hringur með Þóru Hrönn

Ég hljóp heim til Þóru Hrannar og hef marg mælt leiðina þangað 2,9 hvora leið... 5,8 km... Við hlaupum Stóra Garðabæjarhringinn í frábæru stuði allan hringinn og lengdum aðeins út götuna svo hún næði 15 km.  

Síðasta mánudag hlupum við nákvæmlega þessa leið og úrið hennar mældi hringinn okkar 14,86 en mitt mældi hringinn 400 metrum styttri. Í dag var hennar mæling eins en mitt úr er greinilega að bila...

svo... Æjjjjj ég neyðist til að fá mér nýtt 

Ég segi og skrifa 20,8 km í dag  

Slapp við slagveðrið

Ég komst ekki út fyrr en rúmleg 3... það var ekki svo slæmt, því ég slapp við slagveðrið. Ég komst sem sagt Hrafnistuhringinn án þess að rigna niður og fjúka út í sjó... ég segi bara svona, kílóin hefðu haldið mér eitthvað niðri 

12,5 km í ágætisstuði  

Brekkur með Þóru Hrönn

Veðrið var yndislegt, aðeins kalt, en stillt. Við hlupum Áslandsbrekkurnar og hring um bæinn, fórum Austurgötuna til baka heim til hennar. Þetta var bara frábært hlaup, 12,8 km hjá mér. 

Með Tinnu og Völu

Við Vala vorum búnar að melda okkur. Á síðustu stundu bættist Tinna í hópinn. Hún var á hjóli og hjólaði með mér (hlaupandi) í vinnuna til Völu. Í stað hins hefðbundna hrafnistuhrings fórum við einn rembihnút með slaufu um bæinn. Það lítur þannig út á vegakorti Garmins

Þemað var líkt og áður - undirgöng, brýr og lækir.... Bara gaman hjá okkur.

Við Vala skiluðum Tinnu heim eftir 10,6 km og hlupum heim til okkar.
Hringurinn endaði í 13,13 km hjá mér

Langt með Þóru Hrönn

Ég var búin að ákveða að fara langt í fyrir hádegi í dag... þess vegna var það snilld að Þóra Hrönn var tilbúin í Garðabæ hinn ,,meiri" kl 10. Veðrið var frábært hiti um 5 °c og algert logn.

Ég hljóp heim til hennar sem 2,9 km... við hlupum síðan saman hringinn og þá kom svolítið skrítið upp... hringurinn sem við hlupum saman mældist 14,86 á hennar úri en 14,25 hjá mér... það munar 400 metrum - nærri hálfum km.

Ég hljóp síðan heim og mældist allt í allt 20,1 km hjá mér á mínu Garmin.

Brekkur

Það var næturfrost svo ég fór í síðerma undir jakkann. Veðrið var síðan æðislega gott, því það var sól og nær logn. Ég hitti Soffíu og Þóru Hrönn við Lækjarskóla og við skelltum okkur í Áslandsbrekkuhringinn. Eftir hring um bæinn var Soffíu skilað heim og síðan Þóru Hrönn... þá var bara eftir að skila mér heim. Á leiðinni hitti ég elsta barnabarnið mitt með kærastanum sínum og þau hlupu með mér smá spotta.

Það er frábært að geta hlaupið fyrir hádegi 

Hringurinn hjá mér var 13,1 km