Heartland Series, Bloomington IL 6.júní 2014

Heartland Series, Bloomington Illinois, dagur 3

http://mainlymarathons.com/

Klukkan átti að vekja mig 3:30 en Lúlli vakti mig 20 mín fyrr með bröltinu í sér. Við vorum búin að ganga frá flestu, því við keyrum til Chicago í flug strax eftir hlaupið.

Við færðum klukkuna fram um klst þegar við komum og í ofanálag var hlaupið ræst klst fyrr, eða kl 5.

Það var glampandi sól, strax hiti i garðinum, og um mitt hlaup var hitinn kominn í 89 F og var í 86 þegar ég kláraði... svo sólarvörn 50 og moskito-spray var algert must.... heppin að hafa tekið það alvarlega, því margir voru útbitnir eftir daginn.

Lúlli tékkaði okkur út af hótelinu á meðan ég var í hlaupinu og mætti á staðinn án þess að hafa neinar fréttir af nýju barni. Ég sendi sms til að reyna að fá einhverjar fréttir.

Hringurinn var 2,2 mílur, og ferðir taldar 11 og hálfu sinnum... á 9unda hring fékk ég sms frá Lovísu um að dóttirin væri fædd og allt hefði gengið vel - Guði sé lof.

Þetta maraþon er nr 173,
garmurinn mældi það 26,2 mílur og tímann 7:03:00.

Eftir hlaupið brunuðum við til Chicago. Það var eins gott að við reiknuðum sæmilega góðan tíma fyrir okkur því við lentum í umferðartöfum, tollvega-hremmingum og hefðum ekki mátt vera seinni að ná flugi til Boston.

AUÐVITAÐ ER ÞETTA MARAÞON TILEINKAÐ NýJUSTU DúLLUNNI OKKAR :
)

Heartland Series, Niles Marathon MI, 4.júní 2014

Heartland Series 4-8 júní 2014, dagur 1

http://mainlymarathons.com

Ég svaf ágætlega, og vaknaði kl 3:45 við klukkuna. Lúlli hellti á og ég fékk mér að borða, teypaði tærnar, smurði mig með vasilini, setti sólarvörn 50 þó það væri spáð rigningu og spreyjaði mig með moskito-fælu... engin smá serimonia fyrir eitt hlaup. Ég er yfir mig ánægð með nýju compression buxurnar mínar.
Við ákváðum að Lúlli yrði á hótelinu á meðan, enda lítið spennandi að hanga allan tímann í bílnum ef það myndi rigna allan tímann.

Ég lagði af stað um 5:30... hafði auka bol og eitthvað fleira með... og ákvað á staðnum að vera í stutterma bol í stað hlýra bol. Auðvitað var Maniac myndataka fyrir start... en enginn þjóðsöngur.

Hlaupið var ræst kl 6 am... og maraþonið var 14 ferðir fram og til baka. Veðrið var ágætt fyrstu 10 mílurnar... en svo byrjaði að rigna... og rigna... og rigna, það var úrhellis-hellt-úr-fötu-úrhelli... svo ég var holdvot þegar èg kom í mark.

Ég byrjaði rólega, vissi ekki hvernig hnéð myndi virka.... og fann fljótlega að ég yrði bara að ganga þetta og ég tók nokkuð af myndum áður en það byrjaði að rigna, sendi sms heim (athuga hvort Lovísa væri búin að eiga) og dúllaði mèr með öðrum sem gengu. Hnéð hélt alla leið - Guði sé lof.

Þetta maraþon er nr 172,
garmurinn mældi það 26,77 mílur og tímann 7:43:51 

 

Gögnin fyrir Heartland Series, #1 af 5, Niles MI

Við vorum með hnitin fyrir staðinn þar sem gögnin voru afhent en áttum samt í smá erfiðleikum með að finna hann... Riversite Park.... en það hafðist.

Ég fékk nr 18. Eins og í síðustu seríu sem ég tók þátt í, þá er sama númerið fyrir alla 5 dagana. Ég er skráð í tvö maraþon... fyrsta daginn í Michigan og þriðja daginn í Illinois. 

Við drifum okkur til baka á hótelið sem er ca 7 mílur frá starti. Við fengum okkur að borða... ég þarf að taka til hlaupagallann, það er spáð rigningu á morgun.

Svo er spurning hvernig hnéð verður.

Sunburst Marathon South Bend 31.mai 2014

Sunburst Marathon South Bend IN  
31.maí 2014

http://www.sunburstraces.org

Klukkan var stillt á 3:45 en eins og svo oft áður vorum við vöknuð. Við vorum búin að ákveða að ég færi ein í hlaupið, því það voru 20 mílur á startið. Ég fékk mér morgunmat, smurði álagsbletti með vasilini, teypaði tærnar, setti sólarvörn 50 á mig og Lúlli spreyjaði á mig moskito-fælu... mín var tilbúin.

Ég fékk bílastæði beint fyrir framan startið, náði Maniac-hópmyndatöku og "síðasta pissi" fyrir start. Ég hélt að ég væri að mæta í fyrra start en það var bara eitt start, kl 6am... 

Fyrir hlaupið hafði ég meiri áhyggjur af v-hnénu (síðan ég datt í vetur) en æfingaleysi, en svo fann ég ekkert til í hnénu en æfingaleysið dró mig niður.

Sólin bræddi okkur fljótlega og hægt og sígandi fór hitinn í 89 F...  
Seinni hluta hlaupsins urðum við "sleðarnir" að taka sem hálfgerðan ratleik, því skyndilega hurfu allir löglegluþjónar og merkingar á gatnamótum. Amk einu sinni varð ég að bíða eftir næsta hlaupara og tvisvar spurði ég vegfarendur til vegar. Síðustu mílurnar fylgdust við nokkur að og fengum leiðsögn frá aðstoðarmanni á hjóli.

Garmin mældi vegalengdina 26,6 mílur og tímann 6:25:11

Þetta maraþon er nr 171 

Þá var næsta skref að taka rútuna á startið og keyra heim á hótel. 

Gögnin sótt i South Bend Indiana

Við gistum síðustu nótt í Wisconsin Dells á leiðinni frá Minneapolis. Við fórum beint að sækja gögnin fyrir hlaupið, áður en við fórum á hótelið. Við vorum orðin dauðþreytt, á kolvitlausum tíma, eftir langa keyrslu í glampandi sól og hita. Expo-ið var lítið og fljótyfirfarið, nokkur tjöld á torgi. Ég verð nr 532.

Við keyptum morgunmat og fleira og fórum á hótelið... komum okkur fyrir og fórum snemma að sofa.

Ég hef ætlað að taka mig á... en ekkert gerist !

Það er einhvernveginn ótrúlegt hvað sólarhringarnir hafa styst undanfarið. Í hverri viku ætla ég að bæta við öðrum hlaupadegi en tímanum hefur verið stolið af mér. Mér hefur samt tekist að halda fast í sundið á föstudögum með mömmu og Eddu. 

2. maí... 450m skrið + 350 bak = 800 m

5. maí... Hjóluðum við Vala ,,Kaldárselshring"... upp Kaldárselsveginn en Dalaleið og framhjá Fremsta Höfða að Hvaleyrarvatni og Vellina til baka. samtals 17,6 km. Ég vildi hjóla af því að ég fékk þvagsýrugigt í lið stóru táar á vinstra fæti fyrir nokkru og hún var enn bólgin.

7. maí... hjólaði ég 21 km

8. maí... hljóp upp Krísuvíkurveginn í rigningunni... var ein, 12,5 km.

9. maí... 500m skrið + 300m bak

10. maí... hjólaði í Kaldársel og gekk á Helgafellið. hjól 18,8 km + 5 km ganga.

12. maí... Vala var veik... svo ég hljóp upp Krísuvíkurveginn 12,5 km

16. maí... 500m skrið + 300m bak

17. maí... Berghildur og Edda hittu mig við Kaldársel kl 11 og við gengum saman á Helgafell. Hjól 19,2 km o-+ 5 km ganga.

19. maí... Ég sveik Völu, hljóp ein fyrr um daginn, hljóp upp í kirkjugarð, upp Kaldárselsveg og beygði hjá Hvaleyrarvatni og fór Vellina heim. Þetta voru 11 km.
Síðan hitti ég Völu heima hjá henni og við hjóluðum upp í Kaldársel og gengum á Helgafellið í æðislegu veðri. Hjól 19,7 km + 5 km ganga.

23. maí... 800m skrið + 50m bak... við lentum á 25m brautum og áttum í mestu vandræðum með að telja ferðirnar... en það hafðist... 

Gleðilegt sumar :)

Nú eru fermingarnar afstaðnar og sumarið komið... kanski ég hafi meiri tíma til að hlaupa, hjóla og synda. Við ætluðum að hlaupa 24.mars en þá var brjálað veður og hún upptekin svo við frestuðum hringnum okkar aðeins.

26. mar. Hrafnistan með Völu, það rigndi aðeins en ekkert sem hefti okkur :) 12,5 km

28. mar. synti 500m skriðsund og dró hjólið fram og fór prufuhring 4 km.

29. mar. hjólaði upp Krísuvíkurveginn 24 km - frábært að vera farin að hjóla aftur.

31. mar. Hrafnistuhringur með Völu - gott veður og við góðar :)

2. apr. hljóp upp Krísuvíkurveginn, 12,3 km. það var frekar hvasst.

4. apr. 500m skrið

7. apr. Vala var upptekin, ég hljóp upp að Hvaleyrarvatni og til baka 8 km og tók síðan 3 km göngutúr.

9. apr. hjólaði 10,4 km

10. apr. hljóp með Völu, Hrafnistuhringinn okkar, 12,5 km

11. apr. 400 skrið + 300 bak

14. apr. Hrafnistuhringur í roki og rigningu með Völu, 12,5 km

17. apr. Skírdagur, 400 m skrið og 300 baksund.

21. apr. annar í páskum. hjólaði upp í Kaldársel og til baka, 20,3 km

23. apr. hjólaði 22,6 km í Kópavog til Kírópraktors og fleira.

24. apr. Sumardagurinn fyrsti. Hljóp ein í roki og rigningu upp Krísuvíkurveginn, 12 km. frekar erfitt :/

25. apr. 400 m skrið og 300 m bak. (síðasta fermingin á morgun)

28. apr. Við Vala hjóluðum upp í Kaldársel og gengum á Helgafellið í stað þess að hlaupa Hrafnistuhringinn okkar. ferðin tók rúmlega 3 klst. 19,1 km hjól og 5 km ganga.

30. apr. hjólaði 37,6 km fram og til baka eftir Reykjanesbrautinni, fyrst var svolítið kalt en svo hlýnaði.

1.maí Veðrið var svo gott að ég hjólaði upp í Kaldársel og gekk á Helgafellið í annað sinn í þessari viku. þetta var frábært, 18 km hjól og 5 km ganga... tók 2:45 mín.

 

 

Eftir síðasta maraþon ;)

Ég hvíldi fyrstu vikuna eftir Little Rock Maraþonið 2.mars... ég var sökuð um að hafa pakkað ísregninu niður og komið með það frá Ameríku... þetta er meira leiðinda veðrið sem hefur verið undanfarið.

7.mars... syndi 450m skrið og 50 bak

10.mars... Vala var veik og veðrið ógeð... svo ég fór í sundlaugina í Garðabæ... en þar er líkamsræktarstöðin innifalin í sundlaugaraðganginum. Ég hljóp í 40 mín, var 10 mín á skautum, 10 mín á hjóli, 5 mín í tröppustigi og synti síðan 200 m skrið. 

12.mars... hlupum við Vala svo saman Hrafnistuhringinn okkar kæra í rigningu en við tókum varla eftir því.

14.mars... föstudagur til sundlaugar... 500 m skrið. 

17.mars... Hrafnistan með Völu... það var skítkalt - HVENÆR KEMUR ÞETTA VOR ?

21.mars... vaknaði með hand-ónýta öxl... veit ekki hvað gerðist ... mætti samt sem áður í sundlaugina og synti 500 m baksund í staðinn fyrir skriðsund.  

Á forsíðunni :D

Ég fékk sent fréttablað 50 States Marathon Club og sá að ég var á forsíðunni með Sock Monkey Boone og ég stóðst ekki að setja blaðið inn hér.

 

Little Rock Marathon Arkansas 2.mars 2014

Little Rock Marathon & Half Marathon, 10K, 5K (Sat)
Little Rock, AR USA, 2.febr 2014
http://www.littlerockmarathon.com
View Course Map/Elevation Chart

Klukkan var stillt á 3am sem gaf mér nógan tíma til að græja mig fyrir morgunmatinn kl 4. Ég svaf ágætlega... held ég hafi farið að sofa kl 9... þá hálfnuð með bíómynd.

Fyrra start var kl 6 am sem gefur manni 8 tíma til að komast í markið, annars er start kl 8 og 6 tíma takmörk... en ég hélt mér veitti ekki af góðum tíma, bæði búin að vera hálf-veik undanfarnar 3 vikur, datt illa á hnéð í hálkunni og er að ná mér í bakinu. 

Ég hékk fyrst með 6 tíma grúppu - því fyrra start má ekki fara framfyrir hraðastjórann sem fór fremst og það gekk ágætlega fyrri helming hlaupsins. það tók mig t.d. tíma að ná hópnum eftir klósettferð... en svo fór ég að dragast aftur úr... og svo tók ég nokkrar myndir í hlaupinu.

Bíðari nr 1 stóð vaktina heima og sagði mér hvernig veðrið ætti að vera í hlaupinu... KALT og VERSNANDI eftir því sem liði á daginn... man ekki hvort hann nefndi rigningu. 

Veðrið var ágætt í upphafi, en síðan fór að rigna, kólna og hvessa... þetta var orðið ansi líkt íslensku slagviðri nema göturnar hérna verða mjög hálar í bleytu... mér leið ekkert vel að hlaupa niður blautar brekkur. Veðrið var orðið mjög slæmt þegar gjallarhorn tilkynntu að hlaupinu yrði hætt vegna ,,dangerous storm"... þá var ég komin á 24.mílu og rétt slapp áfram áður en fólki var beint að strætó við Walmart. 

Þegar fólk kom í mark leit það út eins og það hafi lent í hrakningum, rennandi blautt og skjálfandi úr kulda... og starfsfólkið var litlu skárra - enginn viðbúinn þessum kulda.

Peningurinn er sá alstærsti og flottasti sem ég hef fengið - þegar hann var hengdur um hálsinn gleymdist allt erfiðið... ég flýtti mér út af svæðinu, enda rigndi eins og hellt úr fötu.

Þá þurfti að leita að bílnum... eftir að hafa eytt ótrúlega mikilli orku í að hafa áhyggjur af því að renna í bleytunni í hlaupinu, rann ég í bleytu á gangstéttinni á leiðinni að bílnum og datt niður á hnéð 

Garmin mældi maraþonið 43,11 km og tímann 6:20:52
Þetta maraþon er nr 170

Eftir að ég kom heim á hótelið byrjaði þvílíkt þrumu og eldinga-show... the dangerous storm.