The Appalachian Series, Bluefield Virginia 12.10.2014

http://mainlymarathons.com/series-3/appalachian-series
Day 2 (Oct.12): Bluefield, Virginia start kl 7:30

Klukkan var enn stillt á 5 am... ég svaf ekki vel, var hálf vakandi alla nóttina, fyrst var ég með pirring í hægri mjöðm og niður fótinn og síðan var bröltið í Bíðaranum að trufla mig. Ég hvíldist samt eitthvað og fannst ég ekki sérstaklega þreytt í morgun.

Ég fékk mér beyglu áður en við fórum í morgunmatinn því hann var engin undirstaða fyrir daginn. Það var helli-rigning úti og ég fékk far með Ilu á startið. Við vorum færri í dag en í gær (eða mér fannst það) og allir söfnuðust undir partý-himininn.

Ég var með regnkápu eins og flestir því úrhellið var ótrúlegt. Það rigndi fyrstu 4 hringina hjá mér og síðustu 3... en hringirnir voru 12 í allt. TAKA TVÖ sama leið og í gær. 

Ég var ekkert viss um að ég myndi hlaupa mikið í dag en ég var ótrúlega brött... Clint sagði okkur að hann hafi talið brekkurnar í þessum 12 hringjum og þær voru yfir 170. GAMAN GAMAN að fá að vita þetta fyrirfram þó ég hafi farið hringinn í gær.

Garmin mældi leiðina 43,6 km eins og í gær og tímann 7:02:51
Þetta maraþon er nr 178 og 16 fylki eftir í öðrum hring um USA. 

The Appalachian Series, Bluefield West Virginia 11.10.2014

Við keyrðum frá Manassas til Bluefield í gær og náðum í númerið mitt, ég er nr 83 og borðuðum pasta með hinum hlaupurunum - þetta varð að REUNION-pastaparty því ég þekkti helminginn af fólkinu... allt hlaupavinir allstaðar að í Ameríku. Við erum líka flest á sama hótelinu. Verðurspáin er ekki glæsileg... rigning.

http://mainlymarathons.com/series-3/appalachian-series/ 
Day 1 (Oct.11): Bluefield, West Virginia  start kl 7:30

Ég reyndi að fara snemma að sofa... það er ekkert mál þegar maður er í 4 tíma tímamismun og hefur keyrt í 6 klukkutíma. Klukkuna stillti ég á 5 am... við vorum ekki viss hvort hótelið ætlaði að byrja fyrr með morgunmatinn... en þeir gerðu það. Það voru um 4 mílur á startið og allir glaðir því það var sæmilega þurrt.

Það var ekki búið að ræsa hlaupið þegar rigningin mætti. Við vorum í garði á fylkismörkum West- Virginia og Virginia... við förum því sömu leiðina 2 daga í röð og getum skráð maraþonin á bæði fylkin. Reglurnar eru að ef hlaup byrjar í einu fylki og endar í öðru getur fólk valið á hvort fylkið hlaupið er skráð. Ég þarf bæði fylkin í minni annarri ferð yfir fylkin.

Við fórum 12 sinnum sama hringinn... sem var ekkert nema brekkur. Í byrjun voru allir svo hressir en þegar á leið hætti maður að heyra ,,keep it up" eða ,,way to go" og heyrði í staðinn ,,these hills are getting steeper" eða ,,they´ve turned in to mountains".... Brekkurnar fóru virkilega illa með mig og í bleytunni voru laufin svo hál... svo er ég eitt brunasár eftir fötin.

Þessi hlaupasería er hlaupin í fyrsta sinn núna og þó nokkrir sem ætla að hlaupa alla dagana 5... ég ætla að láta mér nægja 3 daga.

Garmin mældi vegalengdina 43,6 km og tímann 7:26:35 
Þetta maraþon er nr 177 og 17 eftir í öðrum hring um USA

Vá, hvað ég hef verið léleg að blogga um hreyfinguna...

Ég verð að bæta úr þessu þegar ég kem heim aftur...hér semsagt uppfærsla þó sein sé... bara svona til að halda reikningsskapnum áfram. 

Síðasta færsla var 23.ágúst og um,
Reykjavíkurmaraþon... 42,73 km - 5:44:51
25.8 - hjól 19,3 km í roki og rigningu...
28.8 - leitaði ég að spjaldi í ratleiknum, 14.2 km ganga og 4,2 km hjól.
29.8 - syndi 1000 metra skriðsund og hjólaði 2 km.

September...
1.9 - lagði það á mig í roki og rigningu að hjóla (5 km )út á línuveg, þaðan fannst mér vera styttst í síðustu 2 spjöldin í Ratleiknum (14 og 15). Síðan leitaði ég í hrauninu að þessum spjöldum og Garmin mældi þá göngu 13 km. Ég mætti ekki EINNI hræðu þennan dag, en hjólinu var stolið þar sem það lá læst hjá línustaur nr 12... Ég leitaði um allt í ca 45 mín en lagði síðan af stað gangandi heim... Náði símasambandi í iðnaðarhverfinu og Lúlli sótti mig... 4,5 km ganga í viðbót.
8.9 - hljóp með Völu, Hrafnistuhringur 12,5 km
10.9 - hjólaði (á Lúlla hjóli) 14,4 km, út á línuveg að leita betur.
11.9 - hljóp hring um Ástjörn, 5,3 km
12.9 - 1200 m skriðsund
15.9 - Hrafnistuhringur með Völu, 12,5 km
17.9 - Krísuvíkurvegur, 11,4 km
19.9 - hringur um Ástjörn, 5 km + 1200 m skrið + 2 km hjól
22.9 - Helgafell með Völu, hjól 20,5 km + 5 km ganga
24.9 - Hringur um ÁSstjörn, 5,2 km í roki og rigningu
26.9 - Hringur um Hvaleyrarvatn (að heiman) 11.km + 1200 m skrið + 2 km hjól
29.9 - Hrafnistuhringur með Völu, 12,5 km

Október... 
2.10 - Hringur um Ástjörn og hverfið, 5,5 km
3.10 - 1200 m skrið
6.10 - Hringur um Ástjörn með Völu, 6,5 km

9.10.... farið út í hlaupaferð - 5 maraþon á 9 dögum.

Reykjavíkurmaraþon 23.8.2014

Við sóttum gögnin á föstudeginum og í fyrsta sinn var ekkert pastapartý. Expo-ið var ágætt og ágæt tilboð þó ég endaði með að kaupa ekki neitt.

6 USA Maniac-ar voru búnir að skrá á hlaupasíðunni að þeir ætluðu að hlaupa hér... ég mætti í Maniac-bol svo þeir gætu þekkt mig... en ég sá engan þeirra þegar ég sótti númerið.

Ég hafði fengið bréf um að ætti að fá jakka í heiðursfélagaklúbb Reykjavíkurmaraþons og ég sótti hann í sérstakan bás. Takk fyrir það.

Þá var næst á dagskrá að elda sér kvöldmat, taka saman hlaupadótið, stilla klukkuna og reyna að sofna snemma. Klukkan var stillt á 6 am en ég var vöknuð áður. 

Við lögðum af stað um kl 7:30, Maniac-myndataka áætlum kl 8 á tröppunum fyrir framan MR. Við náðum að vera 4 Maniacar á myndinni. 

Hlaupið var ræst 8:40 og veðrið var það besta hlaupaveður sem hægt var að hugsa sér, logn, aðeins skýjað, aðeins kalt í upphafi en síðan þægilegur hiti.
Ég var samt í smá vandræðum hvort ég ætti að byrja í síðerma bol yfir hinn, en ákvað að byrja frekar í vettlingum.

Markmiðið hjá mér var bara að komast í gegnum maraþonið fyrir 6 tímatakmörkin. Mér hafði ekki alltaf tekist að hlaupa 1x í viku síðan síðasta haust en í sumar reyndi ég að bæta það upp með því að hjóla, ganga og synda. 

Hnéð hélt gegnum allt hlaupið en æfingaskorturinn háði mér...
síðustu 10 km varð ég að vanda mig hvernig ég beitti fótunum því það jaðraði við krampa... ég hélt ég myndi sleppa í mark en þá fékk ég svakalegan krampa í vinstra lærið þegar ég átti um 1,5 km í mark... fyrst hélt ég að ég þyrfti hreinlega að skríða í mark en ég gat hrisst hann af mér.  

Bíðari nr 1 fylgdi mér síðustu 12 km, hann beið rétt hjá 30km mottunni og hjólaði með mér rest. Sonurinn fór sitt fyrsta hálf-maraþon í dag. Ég er stolt mamma og amma, því Matthías og litla systir fóru í Latabæjarhlaupið með mömmu sinni.

Þetta maraþon er nr 176 og 18 árið í röð sem ég hleyp heilt maraþon í Reykjavík.
Garmin mældi tímann 5:44:51 og vegalengdina 42,730 km (hálfum km of langt).

 

Ég færðist úr stað ;)

Síðasta færsla var fyrir rúmum mánuði. Ekki get ég sagt að hlaup hafi aukist neitt að ráði, alltaf þegar ég hef ætlað að auka við mig, hef ég ,,gleymt" hnénu og snúið upp á það... Þessar hálkubyltur ætla að hanga lengi á mér. 

Á þessum mánuði fram að Reykjavíkurmaraþoni hef ég eitthvað reynt að hreyfa mig úr stað og reiknast mér til að ég hafi gengið um 50 km (þaf af 4x á Helgafell), hjólað um 150 km, synt 5 km og hlaupið 45 km.

Ekkert í heilan mánuð !

Vá hvað tíminn er fljótur að líða... við komum heim úr síðustu maraþonferð 18.júní og síðan hef ég ekki bloggað neina ,,hreyfingu"... ég hleyp hægt en svo hægt... ég færist enn úr stað ;)

Síðan ég kom heim hef ég haldið við sundinu á föstudögum og er komin í 1000 metra. Ég hef hjólað eitthvað, gengið 4 sinnum á Helgafell, við systur gengum Selvogsgötuna í tveim áföngum og höfum verið að taka ratleikinn. Þá höfum við Matthías fundið 10 spjöld saman.

Mér reiknast lauslega að ég hafi hljólað eitthvað um 210 km, gengið um 80 km, synt 3,8 km og hlaupið minnst eða um 30 km... en það náttúrulega gengur ekki... 

Nú er kominn tími til að æfa eitthvað af viti ;)

Bay of Fundy International Marathon Maine 15.júní 2014

Bay of Fundy International Marathon
& 10K Lubec, ME USA

One marathon - Two countries. 15.júní 2014.

http://www.bayoffundymarathon.com  

Ég vaknaði við klukkuna 3:30 og gekk í að gera allt þetta venjulega fyrir hlaup. Á meðan ég var að teypa tærnar heyrði ég að það var ausandi rigning úti... Það þýddi smá breytingu... redda plastpoka til að vera í og Lúlli ákvað að vera eftir og tékka sig út kl 12... og hanga einhvers staðar þangað til ég kæmi til baka. 

Ég fór því ein norður og var rúman hálftíma á leiðinni. Á miðri leið keyrði ég út úr rigningunni og sá hana ekki meir. Ég var mætt við skólann fyrir kl 6 am og tók rútu á startið.

Startið kl 7am var við vita sem er austasta kennileiti USA.
Hlaupið var þaðan um 6 mílur að brúnni til Kanada... yfir brúna og 10 mílur á nyrsta tanga hennar að vitanum þar, sömu 10 mílur til baka, yfir landamærin og svo í mark. Leiðin var EIN BREKKA... ótrúlegt hvað ég er seig að finna þessi brekkuhlaup.

Það góða var að ég hafði hvílt hnéð í viku og gat skokkað inn á milli alla leiðina... og svo tók ég fullt af myndum. Þegar ég hljóp yfir landamærin sagði ég eins og James Bond: Nothing to declare - just a cello. 

Þetta er fimmta og síðasta maraþonið í þessari ferð - þau voru í 5 fylkjum... og ég held að þetta sé ljótasti verðlaunapeningur sem ég hef fengið... en kannski á hann að tákna eitthvað sem ég skil ekki ??? bakhliðin hefur mynstur eins og ígulker... en þessi bær hélt ég að væri þekkur fyrir humarveiði.

Eftir maraþonið, var ég keyrð til að sækja bílinn og svo keyrði ég til Machias að sækja Lúlla svo við gætum keyrt til Manchester NH. Þetta mun taka allan daginn... Áætluð heimferð er á morgun EN það er verkfall hjá flugvirkjum. 

Maraþonið er nr 175, garmurinn mældi vegalengdina 26,6 mílur og tímann 6:03:51 

Gögnin sótt fyrir Bay of Fundy ME og Kanada.

Við keyrðum hingað frá Manchester NH í dag... 7 tíma keyrsla til Lubec sem er við landamæri Kanada, alveg niður við sjó - Atlandshafið. Ég fékk bolinn í grunnskóla Lubec en varð að fara yfir landamærin, til Kanada að sækja númerið.

Á landamærunum varð ég að tilkynna mig sem hlaupara... Það var svolítið fyndið að Garmurinn datt algerlega út á landamærunum... sýndi ekki einu sinni vegakerfið.

Í Herring Park í Kanada fengum við númerið, biðum eftir maraþon-máltíð og svo snérum við til baka, alla leið niður í Machias, 30 mín í suður af Lubec... því það varð breyting á gistingu á síðustu stundu. 

Þá er bara að koma sér fyrir, stilla klukkuna og stilla upp hlaupadótinu. Veðurútlitið átti að vera hagstætt. 

Lake Placid Marathon, NY 8.júní 2014

Lake Placid Marathon & Half Marathon
Lake Placid, New York, 8.júní 2014

http://www.LakePlacidMarathon.com  

Þetta maraþon var ræst óvenju seint eða kl 8 am og þeir buðu ekki upp á ,, early start" og tímatakmörkin voru 6 tímar.

Klukkan var stillt á 5:45 en ég var vöknuð aðeins áður. Það voru svo margir hlauparar á hótelinu að við fengum morgunmat fyrir hlaupið.

 

Það var brakandi sól úti, svo ég makaði á mig sólarvörn 50, vasilini og var spreyjuð hátt og lágt með skordýrafælu... og það var eins gott því ég hefði bakast í gegn og verið étin inn að beini... verst að það er ekki til brekkusprey... hehe,

það var bara einn beinn kafli í þessu hlaupi... annars var það EKKERT NEMA BREKKUR. Við fórum tvisvar sinnum nær sömu leiðina fram og til baka.

 

Þetta var ótrúlega erfiður dagur, hitinn, brekkurnar, frjókornin í loftinu, flugurnar, en ég var þakin litlum svörtum dauðum flugum.... og svo stressið við tímatakmörkin - sem ég komst samt í kringum ;)

 

Þetta maraþon er nr.174
Garmin mældi það rétt og tímann 6:41:53

 

Strax eftir hlaupið keyrðum við til Albany 

Gögnin sótt í Lake Placid 7.6.2014

Lake Placid er nú æfingastaður fyrir Olympiuleika, en einhverntíma voru þeir haldnir hér að vetri til. Hér er skíðastökkpallur og skautahöll og hvað eina... en ég held að við hlaupum kringum vatn á morgun og endum við skautahöllina... annars skoða ég aldrei leiðina - ég elti bara hina 

Við sóttum númerið í Convention Center... svo var bara að koma sér fyrir, hlaupið byrjar frekar seint á morgun, kl 8:00. Hitinn núna kl. 18 er 23 c og glampandi sól. Vona að við fáum andvara og ský á morgun... þetta verður ekki létt, mikið um brekkur (held hárin úr hala Búkollu hafi lent hérna) og svo erum við í 1.890 feta hæð yfir sjó... Svo ég mun þurfa á öllu mínu að halda eftir 3 maraþon á síðustu 7 dögum.