Hreyfing í ágúst 2017

Ratleikurinn er í fullum gangi, ég hef aldrei byrjað eins seint á honum og í ár eða 23.júlí... bæði vegna veðurs og aldrei þessu vant var ég erlendis í júlí. 

 1.ág... 7,6 km ganga fyrir spjald nr 10
 2.ág... 12,4 km hjól og 3,3 km ganga fyrir spjald nr 22
 4.ág... 9 km skokk kringum Ástjörn og fleira.
 6.ág... 12-1300m skriðsund... ruglaðist í talningunni
 7.ág... 9,11 km ganga í 3 spjöld... 12, 13 og 16
 9.ág... 9 km skokk, 2x Ástjörn m meiru
10.ág... 4,5 km ganga í Húshelli, nr 25
11.ág... Helgafell - 5 km ganga og 1200 m skrið
12.ág... 5 km skokk kringum Ástjörnina og 12,5 km ganga í 3 spjöld
14.ág... 16,3 km hljól m/ Völu
15.ág... 5,1 km skokk um Ástjörn
16.ág... 16,3 km hjól m/Völu
19.ág... Reykjavíkur maraþon 42,63 km
21.ág... 16,3 km hjólað m/Völu 
22.ág... 5 km skokk kringum Ástjörn
23.ág... 16,3 km hjól m/Völu
24.ág... 8 km skokk, 2x kringum Ástjörnina

Hreyfing í júlí 2017

Ég og sonurinn flugum til London 27 júní og þar gengum við um í 3 daga og skoðuðum helstu ferðamannastaðina eins og sannir túristar. Við fórum síðan með Eurostar lestinni 1.júlí yfir til Parísar og gegnum endalaust þar líka. Góð ferð og við flugum heim 5.júlí.

 5.júl... 16,3 km. hjólað m/Völu í roki og rigningu
 6.júl... 6 km skokk, ein í roki og rign.
 7.júl... Helgafell, 5 km ganga og 1200m skriðsund.
10.júl... 6 km skokk, ein og hjólað 16,4 km með Völu.
13.júl... 5 km skokk kringum Ástjörn
14.júl... 1200 m skrið
17.júl... Prairie Series ND... 42,77 km
18.júl... Prairie Series SD... 42,5 km
22.júl... 1200 m skriðsund.
23.júl... Helgafell + 2 spjöld, 7,5 km ganga.
24.júl... 7,7 km ganga í hrauni, 4 spjöld í Ratleik.
25.júl... 7 km skokk + 1,3 km ganga fyrir 1 spjald.
26.júl... Hjól 12,5 km og 1,7 km ganga í 1 spjald.
27.júl... 9 km skokk og 2,3 km ganga í 2 spjöld
28.júl... 6,6 km ganga, Helgafell + 2 spjöld og 1200m skrið.
29.júl... 5 km ganga í Heiðmörk en fann ekki spjaldið.
30.júl... 2 km í Heiðmörk en fann ekki spjaldið + 2,8 km fyrir annað spjald.
          Fór enn einu sinni í Heiðmörk... 3,2 km ganga, spjaldið fundið.
31.júl... 9 km skokk og 3,4 km ganga fyrir eitt spjald.

Prairie Series #3 S-Dakota 18.júlí 2017

 

Mainly Marathons, Prairie Series, dagur 3, S-Dakota

http://mainlymarathons.com/series-3/prairie/south-dakota

Við komum við, á leiðinni suður, á staðnum þar sem hlaupið á að vera. Það er 20 mílur frá hótelinu... og betra að vita hvert maður á að fara í myrkri um hánótt. Við tékkuðum okkur inn á hótelið, ég tók til dótið og við fórum snemma að sofa. Vekjarinn var stilltur á 2:30 am

Um kl 11 var komið fárviðri, al-íslenskt-slagveður með rafmagnsleysi. Rafmagnið kom ekki á aftur fyrr en við vorum að stíga upp í bílinn. Höfuðljósið kom í góðar þarfir svo við gætum klætt okkur og undirbúið fyrir hlaupið.

Maraþonið var ræst kl 4:30 og var frekar óskemmtileg leið eftir grófum malarvegi 20 sinnum fram og til baka. Veðrið hékk þurrt, en hitinn var lúmskur, því mest allan tímann var skýjað og smá gola sem frískaði mann.

Þetta var virkilega erfitt maraþon fyrir mig, slæmt undirlag svo ég varð sárfætt, hitinn mikill, 500m hæð yfir sjávarmáli hefur áhrif þegar maður er þreyttur fyrir og svo datt ég niður í smá leiðindi. Ég held ég hafi aldrei drukkið jafn mikið í einu hlaupi en drakk samt ekki nóg... því eftir hlaupið fékk ég krampa í hendurnar þegar ég reyndi að klæða mig úr. Það hefur aldrei komið fyrir mig áður.

Ég var allra síðust í maraþoninu en einn sem var í 50k var á eftir mér. Ég fékk því skammarverðlaun... THE CABOOSE... síðasta vagninn í lestinni.

Til að kóróna hvað ég er mikill Maniac... dauðuppgefin, þá borgaði ég mig inn í tvö maraþon í september í nýrri seríu... ER ALLT Í LAGI MEÐ MIG ? 

Þetta maraþon er nr 216
Garmin mældi það 42,5 km og tímann 8:39:18 

PS. Ég held að ég hafi verið bitin af Tick í gær í Breckenridge.

Prairie Series #2 Breckenridge ND 17.júlí 2017

 

 

Mainly Marathons, Prairie Series Day 2, Breckenridge ND
17.júlí 2017

http://mainlymarathons.com/series-3/prairie/north-dakota

Þetta maraþon er sérstakt fyrir mig. Ég pantaði nr 42 hjá Clint þegar ég hljóp á Kauai Hawaii í jan. Hlaupið er á 42 ára brúðkaupsafmæli okkar Lúlla og maraþon er einmitt 42,2 km... þetta getur ekki passað betur.

Við komum til Breckenridge síðdegis daginn áður og ég fékk númerið. Nokkrir voru enn í brautinni en í gær var fyrsti dagur seríunnar. Hitinn var um 30c og á að vera heitara á morgun. Við tékkuðum okkur inn á hótelið, ég tók dótið til og við fórum snemma að sofa. Klukkan var stillt á 3 am.

Maraþonið var ræst kl 4:30 í niðamyrkri. Ég var með höfuðljós. Startið var í Minnisota en markið í N-Dakota þannig að þeir sem hlaupa báða dagana fá bæði fylkin.
 
Það segir að fall sé fararheill... ég datt kylliflöt í myrkrinu á fyrsta hring... mig logsveið í lófana og annað hnéð... Leiðin var út og til baka 10 sinnum og smá lykkja að auki. Fljótlega vorum við í þrumum, eldingum og úrhelli í um klst. Þegar birti bættist regnbogi við flóruna á himni. Þegar leið á hitnaði verulega... hitinn kominn milli 80-90F í lokin.

Mér gekk ágætlega þrátt fyrir ferðaþreytu, tímamun og æfingaleysi.

Ég hitti fullt af brjáluðum hlaupafélögum sem sumir taka alla seríuna, 7 hlaup... og blanda þá saman heilum og hálfum.

Þetta maraþon er nr 215
Garmin mældi það 42,72 km og tímann 7:11:58  

PS. Talan 42 er sérstakt áhugamál hjá syninum og þess vegna skemmtileg tilviljun að tíminn minn er afmælisdagurinn hans 7.11

Hreyfing í Júní 2017

Síðasta maraþonferð tókst með afbrigðum vel. Vala og Hjörtur voru með okkur úti. Við vorum svo blessuð með veður og það var greinilega vakað yfir okkur með verndarhendi amk þegar það sprakk hjá mér á 130 km hraða. Maður þakkar Guði fyrir að allt fór vel. Við komum heim 6.júní.

 7.jún... 16,3 km hjól með Völu 
 8.jún... 5 km skokk kringum Ástjörnina
 9.jún... 1200 m skriðsund
12.jún... 11,5 km skokk... ma kringum Hvaleyrarvatn
14.jún... 6 km skokk (m.a.Ástjörn) og 16,5 km hjól m/Völu
16.jún... 5 km ganga á Helgafell og 1200m skriðsund
18.jún... 7 km Hjólamessa
19.jún... 6 km (m.a. Ástjörn) og 16,3 km hjól m/Völu
21.jún... 6 km (Ástjörn) og 16,4 km hjól m/Völu 
22.jún... 6 km hljóp meðan mamma var í nuddi.
23.jún... 5 km (Helgafell) og 1200m skriðsund
26.jún... 16,3 km hjól

27.jún... Flug út til London

Buffalo Marathon 28.maí 2017

Buffalo Marathon & Half Marathon, Marathon Relay, 5K
Buffalo, NY USA
28.maí 2017
http://www.BuffaloMarathon.com

Við vorum heppin að geta skipt úr svítu í tvö einstaklingsherbergi... þá geta Vala og Hjöddi sofið út þó við Lúlli förum í hlaupið um miðja nótt.

Klukkan vakti okkur kl 3:30... og við vorum lögð af stað fyrir kl 5 am. Við vorum heppin með bílastæði... 100m frá starti og 200m frá marki... og ég náði Maniac myndatökunni.

Veðrið var frábært... hlaupið var ræst kl 6:30. Ég fór allt of hratt af stað og sprengdi mig... það var því verulega freistandi að hætta í hálfu... en heila maraþonið sveigði af leið rétt fyrir framan markið... en ég þraukaði alla leiðina. Bíðari nr 1 beið samviskusamlega við markið eftir mér.

Ég get ekki kvartað... allt heppnaðist vel, veðrið frábært, leiðin ágæt og þjónustan góð á leiðinni.

Þetta maraþon er nr.214
garmurinn mældi vegalengdina 42.77 km og tímann 5:59:43

Hreyfing í maí 2017

Síðasta maraþon var erfitt vegna hitabylgju sem gekk yfir í Nashville... Ég skaðbrann á bakinu... og ekki bætti úr skák að ég hef verið með ótrúlega þráláta hálsbólgu og kvef... og ég var svo rétt komin heim þegar ég náði mér aftur í magapest... kom heim 2.maí. það var því ágætt að byrja mánuðinn á að hjóla með Völu.

 3.maí... 16,2 km hjól með Völu
 5.maí... 1200m skriðsund
 6.maí... 5 km skokk um Ástjörn, ekki búin að ná mér eftir pestirnar.
 8.maí... 5 km skokk ein um Ástjörn og 16,3 km hjól m/Völu
11.maí... 8 km hjól í hávaðaroki á Krísuvíkurvegi, snéri við.
12.maí... 5 km skokk ein um Ástjörn og 1200m skriðsund.
15.maí... 5 km á bretti og 16,3 km hjól m/Völu
18.maí... 6,1 km skokk ein
19.maí... 1250m skriðsund
20.maí... 5 km skokk um hverfið
22.maí... 16,3 km hjól m/Völu
23.maí... 5,1 km skokk um Ástjörn, ein
24.maí... Helgafell, 4,6 km ganga m/æskulýðsstarfi Víðistaðakirkju.

25.maí... Flug út í næsta maraþon, (Buffalo NY 28.maí)

28.maí... Buffalo Marathon, Niagara Falls, NY, 42,77 km

RNR Nashville Marathon 29 apríl 2017

St. Jude Rock 'n' Roll Country Music Marathon,
and 1 mile race, Nashville, TN USA
29.apr.2017

http://www.runrocknroll.com/nashville/

Ég sótti gögnin fyrir maraþonið og fór míluna í gær, föstudag... Síðan tók ég saman dótið svo allt væri tilbúið. Það er spáð miklum hita á morgun og búið að gefa út viðvörun... startinu var flýtt um hálftíma og ef þörf verður á verður maraþonið stytt.

Ég hafði stillt símann á 3am en hann hef sennilega ekki heyrt í honum þegar hann hringdi (var í hleðslu á vaskborðinu)... svo ég svaf 45 mín lengur en ég ætlaði. Ég fór samt af stað á áætluðum tíma og fékk bílastæði á ágætum stað. Þaðan voru 2-2,5 km á startið. Ég missti af Maniac hópmyndinni, fann ekki staðinn. Ég stillti mér upp við startið til að geta farið sem fyrst af stað. Fyrir start voru allir orðnir rennblautir af hita og miklum loftraka, bæði föt og húð.

Hlaupið var ræst kl 6:45... og við fengum ótrúlegt úrval af brekkum ofan á hitann sem hækkaði skart... um kl 9 var hitinn kominn í 80 F og fór hækkandi, kominn yfir 90 F í lokin. Það var mikið sírenuvæl og ég sá fólk fá aðhlynningu í sjúkratjöldum á leiðinni. Ég veit um einn Maniac sem stytti úr heilu í hálft maraþon.

Hitinn lamaði mig og ég fór að ganga þónokkuð áður en ég var hálfnuð og sama virtist vera með flesta hlauparana í kringum mig. Ég fór í "sturtu" á hverri drykkjarstöð og reyndi að fá klaka og drekka mikið... Það er erfiðast að drekka hæfilega þegar það er heitt, ef maður drekkur of mikið er maður alltaf á klósettinu en ef maður drekkur of lítið getur maður fengið hitaslag af vökvaskorti.

Ég lenti í styttingu á síðasta leggnum... ég tók á það ráð að fara fram og til baka í brautinni til að vinna upp kílómetrana en það vantaði samt nokkra upp á þegar ég kom í mark... ég lét því klukkuna ganga áfram á meðan ég gekk í gegnum marksvæðið, fram og til baka leitaði ég að Remix tjaldinu með auka verðlauna peningnum, tjaldinu með jakkanum og svo lá leiðin kringum Nissan Stadium á bílastæði B sem var fjærst og týndu km voru þar með í höfn.

Þetta maraþon er nr 213
Garmin mældi leiðina 42,45 km og tímann 6:44:11 

PS. ég var skaðbrennd á bakinu eftir sólina... kannski sturturnar hafi átt einhvern þátt í því.

Hreyfing í apríl 2017

Apríl mánuður byrjaði á maraþoni í Róm. Við Lúlli vorum þarna í fyrsta sinn... í svona gömlum borgum er ekki hægt að vera á bíl, bílastæði eru STÓRT vandamál og götur þröngar. Þess vegna gengum við þónokkuð í ferðinni, en við flugum heim 7.apríl. 

 2.apr... Maratona Di Roma, 42,88 km
10.apr... 8,1 km Hrafnistuhringur m/Völu
12.apr... 6 km skokk ein, Ástjörn m/meiru, hálsbólga ?
15.apr... 7 km skokk m/Völu, um Ástjörn og hverfið.
......... hálsbólga og kvef
21.apr... 5 km skokk ein og 1200m skriðsund
24.apr... 5,3 km skokk og 16,4 km hjól m/Völu
26.apr... 5 km með Völu kringum Ástjörnina

27.apr... flug út í næsta maraþon.
28.apr... 1 míla (ganga)... 1,6 km
29.apr... Nashville R´N´R Marathon, 42,45 km

Róm Maraþon 2.apríl 2017

acea Roma (Rome) Marathon & 5K
Roma, Italy

2.apríl 2017

http://www.maratonadiroma.it/?lang=en

Við erum sérstaklega heppin með staðsetningu hótelsins en óheppin að herbergið er fyrir ofan úti-bar. Start og finish á maraþoninu er hér stutt frá og á morgun byrjar morgunmaturinn klst fyrr fyrir hlaupara.

Við náðum í gögnin fyrir maraþonið degi fyrir hlaup, ss á laugardegi. Það var þvílíkur gangur í gegnum Palazzo Dei Congressi... og engin leið að stytta sér leið. Númerið mitt er F1855.

Klukkan var stillt á 5 en það var kannski óþarflega snemmt... sérstaklega því við höfum varla sofið síðustu tvær nætur vegna hávaða frá fullu, syngjandi fólki. Barinn er opinn til 3 am og þá tekur hreinsunarlið við og flöskuglamur við rúllandi gler undan kústunum...

Það var fáránlega langur gangur til að komast að innganginum að startlínu... kringum hálft Hringleikahúsið. Það byrjaði að rigna áður en ég komst af stað kl 8:45... og miklar þrumur. Colosseo er í elsta hluta borgarinnar og göturnar steinlagðar með smásteinum sem voru glerhálir í rigningunni. Fyrri hluti leiðarinnar var um marga þekkta staði m.a. Vatikanið, falleg torg með flottum gosbrunnum og nóg að sjá en síðari hlutinn var ekki eins fyrir augað. 

Í miðju hlaupsins stytti upp í ca 2 tíma en svo kom hellidemban aftur. 

Ég er bara ánægð með þetta maraþon, ég þurfti að hafa fyrir því, bleytan og erfitt undirlag á meirihluta leiðarinnar. Garmurinn datt tvisvar út í löngum undirgöngum. Vatnsstöðvar voru á 5 km fresti sem dugði vegna rigningarinnar en á síðari hlutanum var ég líka farin að taka mér vatnsflöskur til að halda á.

Þetta maraþon er nr 212
Garmurinn mældi maraþonið 42,88 km og tímann 6:03:21