Færsluflokkur: Lífstíll
Ég var á keyrslu allan daginn í gær, reyndi að sofna snemma en það tókst ekki. Hlaupið í dag var ræst klst seinna en síðasta hlaup eða 6:30.. svo ég vaknaði kl 4. Brautin var falleg, eftir skógarstígum, að mestu möl, og það sem var malbikað var með ,,toe catchers" þ.e. illa farið af rótum trjánna. Það rigndi mest allan tímann.
Í dag kláraði ég AFTUR öll 50 fylkin í 3ja sinn.. já, ég var viss um að ég væri að klára þau í Richmond VA.. í nóv sl.. en svo fékk ég póst frá The 50 State Marathon Club að ég yrði að hlaupa aftur í Tennessee. þetta var BÖMMER síðasta árs.
ÉG ER BÚIN MEÐ 3 HRINGI UM USA og Mainly Marathon gefa þeim sem klára hjá þeim flottan viðurkenningar pening.
#3 Tennessee
Strava mældi leiðina 44,85 km
Lífstíll | 27.3.2024 | 00:22 (breytt kl. 00:26) | Slóð | Facebook | Athugasemdir (0)
Ég var á keyrslu allan gærdaginn en tókst að hvílast ágætlega fyrir hlaupið.. enda á kolvitlausum tíma.
Ég vaknaði 3:30 en hlaupið var ræst kl 5:30. Þetta var blautur dagur. Fyrst kom smá dropaskúr og úði, en svo komu helli dembur og þá safnaðist í polla.. í rigningu fæ ég alltaf nuddsár af fötunum. mig vantaði ekki þetta fylki en ferðin er farin til að klára aftur 3ja hring um USA.. og það verður eftir 3 daga í Bristol Tennessee.
Ég var samferða Natalie nokkrar ferðir. Hún ætlaði að koma til Íslands og ég ætlaði að keyra hana til Eyja að sjá fílinn.. en hún greindist með 4stigs krabbamein og er nú í meðferð við því, svo ferðin frestast.
Alabama #4
Strava mældi það 43,94 km
Held þetta sé maraþon nr 280
Lífstíll | 26.3.2024 | 23:32 | Slóð | Facebook | Athugasemdir (0)
GLEÐILEGT ÁR 2024
Ég óska öllum Guðs blessunar, gæfu og góðs gengis á hlaup-árinu 2024 um leið og ég þakka fyrir árið sem er að líða.
Annáll þessa árs er skrifaður í Orlando Florida.. en ég fór nokkrar ferðir erlendis til að hlaupa.. Ég var ákveðin að klára öll 50 fylkin í þriðja sinn á þessu ári.. Í ársbyrjun vantaði mig 13 fylki.. og ég fór 6 ferðir til þess að ná þeim.. Síðasta fylkið var Virginia. EN svo kom BÖMMER ársins.. eitt hlaupið var ekki samþykkt, það er á rauðu flaggi.. vegna hita var víst endalaust verið að láta hlaupara stytta vegalengdina og þeir sem fóru styst hlupu aðeins hálft maraþon.. vegna skorts á verðlaunapeningum fengu margir sem fóru hálft, pening fyrir heilt.. og svo var klúður í tímatökunni.. svo ég fékk póst frá 50 ríkja klúbbnum að ég verði að hlaupa þetta fylki aftur.. og það geri ég í mars.
Maraþonin á þessu ári urðu 16.. í fyrsta sinn í áratugi stytti ég niður í hálft maraþon í Reykjavík.. en þrátt fyrir fjölda pósta hef ég ekki komist í úrslitin í hálfu.
Ég gekk, skokkaði og hjólaði með Völu og synti á föstudögum með systrum mínum.
Vegna þessara utanlandsferða á milli þess sem ég var að leysa af í Vestmannaeyjum, Njarðvík og á Patró.. þá gekk ég hvorki á Esjuna eða Helgafellið mitt.. en ég náði Ratleiknum..
Maraþonin eru komin í 278 + 1 virtual
Ultra-hlaup 10, 9 Laugavegir og 1 Þingvallahlaup
Fylkin í 3ja hring um USA eru komin 49
maraþonlönd 27
Heimsálfur 5
4/6 Majors
GLEÐILEGT NÝTT HLAUPÁR
2024
Lífstíll | 1.1.2024 | 02:54 (breytt kl. 12:49) | Slóð | Facebook | Athugasemdir (0)
Í dag er síðasti dagur Holiday Five seríunnar.Ég hafði sama system og í fyrradag.. Ég stillti klukkuna á 3.. og lögðum af stað kl 5.. með allt dótið, því við skiptum um hótel í dag.
Hlaupið var ræst kl 6.. í niðamyrkri.. ég reyndi að nýta mér birtu frá öðrum með höfuðljós.. um kl 7 birti. Það var sama leið alla dagana í seríunni. Mér gekk ágætlega en var orðin sárfætt í miðju hlaupi og skipti um skó.. og bætti svo við innleggjum. Þjónustan var ágæt í hlaupinu. Ég var fegnust því að maginn á mér var í lagi.. Skipuleggjandi er Bettie Wailes.
Þetta maraþon er nr 278
Strava mældi maraþonið 43,8 Km
Lífstíll | 31.12.2023 | 21:50 (breytt 1.1.2024 kl. 02:44) | Slóð | Facebook | Athugasemdir (0)
Eftir langa keyrslu í gær átti ég ekki erfitt með að sofna.. þó var hávaði og músík í næstu herbergjum.. ég lét símann hringja kl 3 og lagði af stað kl 5..
Þetta var þriðji dagurinn í fimm daga seríu, ódýrt safnarahlaup með lágmarksþjónustu og ódýrum verðlaunapeningi.
Maraþonið mældist 43,93 km
Lífstíll | 30.12.2023 | 12:51 (breytt kl. 12:55) | Slóð | Facebook | Athugasemdir (0)
Vá, ég trúi þessu varla sjálf.. en í dag hljóp ég síðasta fylkið í 3ja hringnum mínum um öll 50 fylki USA.. 3 hringir þýða 150 maraþon.. Eftir yfir hundrað flugferðir, hundruði hótela og mörg þús mílna akstur.. þá er þriðja hringnum lokið.. ótrúlegt en satt.
Hótelið var í 10-15 mílna fjarlægt frá startinu..
Klukkan stillt á 2:45. Kl 4:30 lagði ég af stað, 20 mín keyrsla á start, í miðborginni. Ég var að vonast til að það væri ekki búið að loka götunni við bílastæðahúsið en það var búið að loka mörgum götum, einstefnur og ég fann ekki strax annað bílastæðahús..
Fann loksins bílastæðahús við hliðina á Mariott.. beið um hálftíma í bílnum en lagði síðan af stað og kom snemma á startið.. hiti var um frostmark.. Við startlínuna var ég óvænt tekin í sjónvarps viðtal á CBS12..
Hlaupið var ræst kl 7 og mér gekk ágætlega, fann samt fyrir grindarlosinu vegna veghallans. Ég var ekki hálfnuð þegar ég fór að finna að það jaðraði við krampa í hægri kálfa en það rjátlaðist af þegar ég vandaði mig við að slaka á vöðvanum. Þjónustan var góð á leiðinni, drykkjarstöðvar á milu millibili og veðrið var þægilegt.
Það var ólýsanlegt að koma í mark og hafa klárað 3ja hring um USA. Ég var síðan heppin að hafa valið bílastæðahús við hliðina á Mariott, því Mariott var með strætó þangað.
Richmond Virginia Marathon..
3x USA..
Lífstíll | 23.11.2023 | 11:51 (breytt 25.11.2023 kl. 14:52) | Slóð | Facebook | Athugasemdir (0)
MARAÞON Í BAKER MONTANA Í DAG..
Eins og venjulega var myrkur fyrsta klukkutímann.. en þegar sólin kom upp fór að hlýna og fólk fór að fækka fötum.. Leiðin var ágæt og veðrið fallegt.
Lífstíll | 23.11.2023 | 11:27 (breytt kl. 12:06) | Slóð | Facebook | Athugasemdir (0)
Við Lúlli flugum til Denver og ég byrjaði á að keyra 3 tíma til Sterling.. ég hafði íhugað að taka þar eitt maraþon, en sf því að ég hafði farið til Bristol og svo beint út aftur, þá var ég of þreytt til þess.. Ég keyrði því næst til Sundance..
Maraþonið var 22 hringir og mældist 45,38 km þegar upp var staðið..
Lífstíll | 23.11.2023 | 11:19 (breytt kl. 12:04) | Slóð | Facebook | Athugasemdir (0)
Ég fór ein út, enda hlaupaferð og mikil keyrsla var framundan. Ég flaug til Baltimore og þurfti að keyra norður, gegnum allt fylkið upp að vatninu sem skilur milli USA og Canada.. sama vatn og Niagara fossarnir renna úr.. Hlaupið var 2 hringir um litla ,,eyju" eða skaga sem lá út í vatnið.. en snarbrött brekka þar niður.
Ég var með hótel ca 15 mín frá startinu.. og sótti númerið daginn áður.. og hafði smá áhyggjur af því að hafa verið að fyllast af kvefi.. ég reyndi að fara snemma að sofa, en það er ekki vandmál þegar maður er á kolvitlausum tíma..
Hlaupið var eins og ég nefndi í upphafi.. á lítilli eyju í sama vatni og Niagara fossarnir renna úr.. brautin var 2 hringir.. Ég get ekki sagt að hún hafi verið spennandi, hlaupið eftir veginum og stór tré báðum megin hálfa leiðina.. Þegar ég fór seinni hringinn var búið að hreinsa allt í burtu, bæði drykkjarstöðvar og mílumerki.. en þjónustulundin hjá starfsfólkinu var dásamleg, reglulega komið á bíl og var spurt hvort mig vantaði eitthvað.. ískalt kók, vatn eða eitthvað að borða..
Garmin mældi leiðina 42,2 km og tímann 7:45:27
Keyrslan var alls 860 mílur eða 1.410 km.
Lífstíll | 12.11.2023 | 11:33 | Slóð | Facebook | Athugasemdir (0)
Þrátt fyrir nær enga æfingu var ég þokkaleg eftir gærdaginn, ég fékk far með Bettie, Jim og Henry á startið sem var kl 7 am. Það var sama leið en mér gekk ekki eins vel og í gær, þreyta, tímamunur, hallinn á stígnum og grindarlosið gerðu vart við sig, ég dróst aftur úr, reyndi að vera á grasinu við hliðina þar sem var hægt og þurfti að setjast á bekkina í síðustu ferðunum.. ég kláraði síðust og fékk lestina.. Íslandsvinurinn Keikó var á peningnum..
ég var svo heppin að fá far á hótelið til að sækja töskuna, þvo kattarþvott í vaskinum og skipta um föt.. og fá skuttluþjónustu upp í flugstöð.. þar var ekkert um að vera, lítil stöð og ég mætt tímanlega.. ég settist og tók því rólega um klst.. þegar ég ætlaði að standa upp gat ég varla gengið.. og varð að útskýra fyrir eftirlitinu að ég þyrfti ekki aðstoð, ég væri ekki fötluð, ég hefði bara verið að hlaupa..
ég átti flug um kvöldið til Seattle, lenti þar um miðnætti og henti mér í rúmið án þess að fara í sturtu.. Hvílíkt og annað eins..
Maraþon nr 272
Strava mældi leiðina 44,99 km
Alaska.. tékk fyrir 4.hring hahahaha
Ennþá 4 fylki eftir í 3ja hring um USA.
Lífstíll | 6.8.2023 | 13:15 (breytt kl. 18:18) | Slóð | Facebook | Athugasemdir (0)