Haustmaraþon FM 24.okt. 2009

Ég fór alltof seint að sofa, um miðnætti... og svo var þetta ein af þeim nóttum sem ég svaf vakandi með lokuð augu !!!
Pétur Helga hafði hringt í gærkvöldi og boðið mér að fara fyrr af stað og ég þáði það, vaknaði kl 5 og mætti rúmlega 7. Það var enginn kominn og svartamyrkur.
Ég átti erfitt með að sjá misfellur á gangstígnum og var nærri dottin, var óviss á leiðinni, fór villur í Nauthólsvíkinni, þar var allt breytt og snéri síðan of snemma við því í bakaleiðinni var kominn vörður sem leiðrétti villuna og stytti leiðina til baka. 

En allt þetta lagaðist þegar birti, fleiri hlauparar komu í brautina, vegvísar og drykkjarstöðvar. Leiðin var farin 2svar fram og til baka. Þegar ég átti 1 km eftir sá ég að það vantaði á vegalengdina, svo ég snéri við og hljóp smá kafla aftur, en það dugði ekki og ég bætti aftur við 200 metrum í Elliðaárdalnum, beygði til hægri þegar ég kom út úr undirgöngunum... þá passaði þetta.

Þetta maraþon er nr 117 og ég var 5:14:00 að skokka þetta ... 
Ég verð að hafa tíma til að æfa ef ég ætla bæta tímann

Athugasemdir

[soffia kristinsdóttir (IP-tala skráð) 24.10.2009 kl. 17:02]

til hamingju Bryndís mín með þetta hlaup , númer 117 frábært , ég hljóp sjálf  áslandið á fimmtudaginn  ,

                                           kveðja  Soffía .

[Þóra Hrönn Njálsdóttir (IP-tala skráð) 24.10.2009 kl. 18:51]

Hæ Bryndís, Til hamingju með hlaupið. Það hefur verið fínt þegar fór að birta. Var sjálf að koma frá USA þó ekki hafi ég hlaupið þar. Sjáumst vonandi á hlaupum.

Kveðja, Þóra Hrönn

[Bryndís Svavarsdóttir, Marathon Maniac # 3942, 25.10.2009 kl. 11:01]

Samkvæmt útslitum hlaupsins var tíminn 5:13:35 og ég einu ári yngri... ekki slæmt
24   121     Bryndís Svavarsdóttir, Frjáls og óháð, 1957   05:13:35