Bloggfærslur mánaðarins, júlí 2009
Ég hafði skráð mig í maraþonið vegna þess að ég var búin að lesa að ég gæti hætt við fram á síðustu stundu... og ég ætlaði ekki norður - punktur... Bíðari nr 1 var ákveðinn að fara.
Á fimmtudag var kominn tími til að hætta við því ég ekki enn búin að fá gistingu... en ég á svo góða vinkonu hana Björgu sem reddaði okkur raðhúsi skyldmenna Palla... Það var því rennt norður á föstudag... gögnin sótt, borðað pasta og blíðunnar á Akureyri notið fram í fingurgóma. Fólkinu sem treysti okkur fyrir húsinu sínu er ástsamlega þakkað fyrir lánið á því.
Ég var í fyrri ráshópnum en við vorum 4 sem vorum ræst kl 8. Hringurinn um bæinn var ágætur en frá ca 12 km var lagt af stað út úr bænum og snúið við á 25 km punktinum. Sá kafli (26km) var mér erfiður, en það er bara ég, mitt vandamál æsist upp í vegarhalla... þá þarf ég að ganga á milli til að endurnýja hlaupalagið.
Öll umgjörð og þjónusta í kringum hlaupið var til fyrirmyndar þó ég segi alltaf að það sé allt of langt að hafa 5km á milli drykkjarstöðva.
Þá verð ég að segja að verðlaunaafhendingin var glæsileg með góðum veitingum.
Því má bæta við... að í síðustu Reykjavíkurmaraþonum hef ég oft sníkt kók af starfsfólkinu á drykkjarstöðvunum... hér á Akureyri var boðið upp á kók á hverri drykkjarstöð og sagði starfsfólkið að kókið hefði slegið í gegn :)
Íþróttir | 12.7.2009 | 14:09 (breytt kl. 22:34) | Slóð | Facebook | Athugasemdir (1)
Ég hljóp heim til Soffíu og við hlupum síðan saman 5 km hring um Norðurbæinn... Soffía kraftakona var nýkomin úr Jóga og svo ætlar hún að hjóla með HHK í kvöld... skyldi hún eyða restinni af deginum í golf ??? hún getur ekki verið kyrr.
Með hlaupunum fram og til baka mældist vegalengdin hjá mér 12,2 km.
Íþróttir | 9.7.2009 | 14:11 | Slóð | Facebook | Athugasemdir (0)
Það var Helgafellið á laugardaginn og Esjan í gær... gengið en ekki hlaupið.
Við hjónin höfðum nóg að gera í morgun, fórum á nokkra staði í Reykjavík og enduðum á að kaupa skápa í IKEA. Klukkan var að verða hálf 3 þegar við komum heim og ég hringdi fljótlega í Soffíu... best að athuga hvort hún er búin að hlaupa í dag. Nei, hún var ekki búin að hlaupa og tilbúin í slaginn. Ég hljóp heim til hennar og við hlupum Áslandsbrekkurnar (7,2 km saman)
Alls fékk ég 13,8 km hring út út þessu... ekkert nema frábært... við ráðgerum að hlaupa næst saman á fimmtudag.
Íþróttir | 7.7.2009 | 19:42 | Slóð | Facebook | Athugasemdir (0)
Soffía fór austur í hestavesen í gær og ekkert varð úr hlaupum hjá okkur... við Lúlli erum að taka herbergi í gegn á heimilinu svo það var látið ganga fyrir í staðinn.
Ég hljóp því í dag - ein - Hrafnistuhringinn 12,5 km... í þvílíku svitabaði, það var svo heitt úti. Sólin skein og blíðviðrið dásamlegt. Þetta er ekta ís og sólbaðsveður
Ég geri ráð fyrir að hlaupa líka ein á morgun, nema ég nái í skottið á Þóru Hrönn !!
Íþróttir | 3.7.2009 | 12:57 | Slóð | Facebook | Athugasemdir (0)
Við Soffía mæltum okkur mót heima hjá henni í hádeginu. Eins og venjulega hljóp ég heim til hennar, sem er um 3,5 km og svo hlupum við okkar hefðbundna Norðurbæjarhring sem mælist uþb 5 km. Svo hljóp ég heim aftur... nákvæmlega mælt 12,2 km.
Það er orðið svolítið langt síðan við höfum hlaupið saman, því áður en ég tók síðustu maraþonsyrpu, var hún í átakinu ,,hjólað í vinnuna" og að æfa fyrir Hvannadalshnjúkgöngu... Við höfðum nóg að spjalla og ætlum að hlaupa aftur saman í hádeginu á morgun.
Íþróttir | 1.7.2009 | 13:38 | Slóð | Facebook | Athugasemdir (0)