Center of the Nation, Sundance Wyoming 4.okt 2023

Við Lúlli flugum til Denver og ég byrjaði á að keyra 3 tíma til Sterling.. ég hafði íhugað að taka þar eitt maraþon, en sf því að ég hafði farið til Bristol og svo beint út aftur, þá var ég of þreytt til þess.. Ég keyrði því næst til Sundance..

MARAÞON Í WYOMING Í DAG...

Ég hafði vekjarann stilltan á 4am, en var vöknuð fyrr.. Fékk mér jógúrt, vítamín-skammtinn, tók spænskuna, teypaði tærnar, klæddi mig og fór af stað..

Start kl 6am í skítakulda, 2-3 gráður og vindur. Ég hafði gleymt höfuðljósi eins og venjulega.. brautin var gróf möl.. og í kringum 30 km var ég orðin verulega sárfætt.. það hlýnaði er leið á morguninn, fór hæst í um 8 gráður.. á tímabili þykknaði upp og komu nokkrir dropar.

Maraþonið var 22 hringir og mældist 45,38 km þegar upp var staðið..

Hæð yfir sjávarmáli, 1.583m..

Wyoming

2 eftir í 3ja hring

Hreyfing í okt 2023

Ég flaug heim frá Bristol 30.sept. lenti um miðnætti og flug til Denver eh 1.okt. Ég ætla að taka 2 fylki í þessai ferð.. Montana og Wyoming.. Ferðin gekk vel þó keyrslan væri mikil eða rétt yfir 2000 km. Veðrið var frábært allan mánuðinn en ég var að leysa af í Njarðvík, svo ég tók mér meiri tíma til að ná mér eftir maraþonin.. nú er 1 fylki eftir í 3ja hring..

 4.okt... Marathon í Sundance Wyoming 45,38 km
 7.okt... Marathon í Baker Montana 44,25 km
13.okt... ganga 5,2 km og 1000 m skriðsund
16.okt... hjólaði 22,2 km
18.okt... Hjól 4 km og hlaup 5 km með Völu
21.okt... Hjól 8 km og skokk kringum Ástjörn 3 km
23.okt... Hjól 4 km og skokk 5 km með Völu
27.okt... Hjól 2,5 km og 2x kringum Ástjörn 6 km
30.okt... Hjól 3 km og 2x kringum Ástjörn 6 km

 

 

 

Erie Marathon at Presque Isle Erie, PA 10.sept 2023

Ég fór ein út, enda hlaupaferð og mikil keyrsla var framundan. Ég flaug til Baltimore og þurfti að keyra norður, gegnum allt fylkið upp að vatninu sem skilur milli USA og Canada.. sama vatn og Niagara fossarnir renna úr.. Hlaupið var 2 hringir um litla ,,eyju" eða skaga sem lá út í vatnið.. en snarbrött brekka þar niður.

Ég var með hótel ca 15 mín frá startinu.. og sótti númerið daginn áður.. og hafði smá áhyggjur af því að hafa verið að fyllast af kvefi.. ég reyndi að fara snemma að sofa, en það er ekki vandmál þegar maður er á kolvitlausum tíma..

Ég vaknaði kl 3:30.. og lagði af stað 2 tímum seinna, það voru 15 mílur á startið. Bílaröðin inn á bílastæðið var ekkert grín, ég var farin að halda að ég næði ekki hlaupinu.. enda um mílu ganga á startið og eftir að taka "síðasta piss".. þ.e. klósettröðina..

Hlaupið var eins og ég nefndi í upphafi.. á lítilli eyju í sama vatni og Niagara fossarnir renna úr.. brautin var 2 hringir.. Ég get ekki sagt að hún hafi verið spennandi, hlaupið eftir veginum og stór tré báðum megin hálfa leiðina.. Þegar ég fór seinni hringinn var búið að hreinsa allt í burtu, bæði drykkjarstöðvar og mílumerki.. en þjónustulundin hjá starfsfólkinu var dásamleg, reglulega komið á bíl og var spurt hvort mig vantaði eitthvað.. ískalt kók, vatn eða eitthvað að borða..

Í mark komst ég, og fékk síðan far á bílastæðið.. sjaldan verið eins fegin að sleppa við snarbratta brekku.. 

Takk Jesús

Garmin mældi leiðina 42,2 km og tímann 7:45:27 

Pennsylvania

3 fylki eftir í 3ja hring um USA

Keyrslan var alls 860 mílur eða 1.410 km.

Hreyfing í sept 2023

Við systur káruðum ratleikinn, þær voru á undan mér, því ég fór 2svar erlendis í sept. Til Erie PA.. og kórferð til Bristol og á milli þessara ferða þjónaði ég í Vestmannaeyjum.. Ég náði að finna síðustu 2 spjöldin á næst síðasta degi.

 1.sept... 5 km skokk um  Ástjörn
 4.sept... hjól 12,6 km og skokk um Hvaleyrarvatn  1x 2,1 km
10.sept... Erie Marathon, Erie PA, 42,2 km, 7:45:27 
25.sept... Síðustu spjöldin, 9,5 km 
27.sept... Ganga í Bristol..
28.sept... Ganga í Bristol..
29.sept... Ganga í Cardiff Wales..
30.sept... Ganga á brautarstöðina og ferð heim

Það var semsagt ekki mikið æft fyrir næstu ferð sem er 1.okt til Denver..

Hreyfing í ágúst 2023

Við systur áttum bara nokkur spjöld eftir í byrjun mánaðar.. Veðrið helst gott allan mánuðinn nema um verslunarmannahelgina, þá var ausandi rigning.. Ég fékk tímabundna vinnu og var á bakvöktum þannig að ég komst ekki langt út í hraun þó veðrið væri gott.. ég var lengi að ná mér eftir Alaska en það dugði skammt.. Ég var skráð í heilt í Reykjavík, en skipti í hálft á leiðinni, því grindalosið tók sig upp eftir ca 5 km.  

 1.ág... Við Vala hjóluðum 6,7 km, ég er ekki búin að ná mér..
 2.ág... Við Vala hjóluðum 12 km
 3.ág... Við systur gengum í 3 spjöld.. 6 km ganga
 4.ág... Prufa.. hjól 2 km og skokk, 1x Ástjörn 3 km 
 5.ág... Við Vala hjóluðum 16,5 km
 7.ág... Hvaleyrarvatn hjól 12,5 km + 1x skokk 2,1 km
 9.ág... Ástjörn hjól 3 km + skokk 3km
11.ág... Hjól 2 km, skokk 3 km (Ástjörn) 1000m skriðsund.
12.ág... Hjól 7,7 km
14.ág... Hvaleyrarvatn hjól 12,5 km + 1x 2,1 km
16.ág... Hvaleyrarvatn hjól 12,2 km + 2x ganga 4,2 km
18.ág... 1000m skriðsund
19.ág... Hálft maraþon í Reykjavík.. 21,1 km
23.ág... 3 spjöld með systrum.. ganga 10,5 km
24.ág... Hvaleyrarvatn, hjól 13,3 km, 2,1 km ganga
25.ág... 1000m skriðsund
28.ág... skokkaði kringum hverfið.. 4 km, ein
29.ág... Hjólaði 8,5 km með Völu
30.ág... Ástjörn, skokkaði 5 km ein, var góð
31.ág... Hvaleyrarvatn.. hjól 12,8 km og skokk 2,1 km, er GÓР

Reykjavíkurmaraþon 19. ág 2023

Ég var skráð í heilt maraþon.. en breytti í hálft.. það var margt sem hjálpaðist að.. en það var ekki auðvelt að breyta, búin að fara heilt síðustu 23 skipti í RM.. veðrið var gott, leiðin ágæt.. en ég var greinilega ekki búin að ná mér eftir Alaska í júlí .. en ég var svo slæm af grindarlosi eftir maraþonin þar.. að ég varð að útskýra uppi flugstöð að ég væri ekki fötluð, ég hefði bara verið að hlaupa.. Svo var ég óvenju sárfætt í dag.. sennilega eru skórnir búnir.. EN það hafðist að klára hálft maraþon..

Ég hitti Jane Sturzaker hún er í Marathon Globetrotters eins og ég, hún kom frá Ástralíu.
Hún ætlar að finna time friendly maraþon fyrir mig í Ástralíu

Ég bað fólkið í tímatökuskúrnum að laga skráninguna, en ég á að senda tölvupóst..

Ég man ekki hvenær í veröldinni ég fór hálft síðast, enda er markmiðið alltaf að fara heilt.. sennilega er ég með eitthvað um 40 hálf.

Twin Lakes Marathon Juneau Alaska, 28.júlí 2023

Þrátt fyrir nær enga æfingu var ég þokkaleg eftir gærdaginn, ég fékk far með Bettie, Jim og Henry á startið sem var kl 7 am. Það var sama leið en mér gekk ekki eins vel og í gær, þreyta, tímamunur, hallinn á stígnum og grindarlosið gerðu vart við sig, ég dróst aftur úr, reyndi að vera á grasinu við hliðina þar sem var hægt og þurfti að setjast á bekkina í síðustu ferðunum.. ég kláraði síðust og fékk lestina.. Íslandsvinurinn Keikó var á peningnum..

ég var svo heppin að fá far á hótelið til að sækja töskuna, þvo kattarþvott í vaskinum og skipta um föt.. og fá skuttluþjónustu upp í flugstöð.. þar var ekkert um að vera, lítil stöð og ég mætt tímanlega.. ég settist og tók því rólega um klst.. þegar ég ætlaði að standa upp gat ég varla gengið.. og varð að útskýra fyrir eftirlitinu að ég þyrfti ekki aðstoð, ég væri ekki fötluð, ég hefði bara verið að hlaupa..

ég átti flug um kvöldið til Seattle, lenti þar um miðnætti og henti mér í rúmið án þess að fara í sturtu.. Hvílíkt og annað eins..

Maraþon nr 272
Strava mældi leiðina 44,99 km 
Alaska.. tékk fyrir 4.hring hahahaha
Ennþá 4 fylki eftir í 3ja hring um USA.

Twin Lakes Marathon Juneau Alaska, 27.júlí 2023

Þessi ferð var algjör hraðferð, flug 2 daga í röð, maraþon 2 daga í röð og flug heim 2 daga í röð, alls 5 nætur í burtu.. og 8 tíma tímamunur í hlaupunum.. þetta var strembið, þar sem bílaleigubílar voru fáir og uppseldir.. svo ég varð að redda mér öðruvísi.

Ég var dauðþreytt þegar ég kom til Juneau og fór snemma að sofa og vegna hins mikla tímamunar, vaknaði ég um 2:30. Ég hafði samið við leigubílstjóra að sækja mig kl 5:45.. það voru 6 mílur/10 km á startið.. Ég hitti marga sem ég þekki og þrjá sem gista á Áttunni eins og ég, svo ég fékk far til baka og fæ far í fyrramálið.. Jim og Bettie eru á 2.hæð en Henry er í næsta herbergi við mig.. síðan frétti ég að Bill væri líka hérna..

Startið var kl 7 am. Leiðin var nokkuð slétt, malbikaður stígur, 14 ferðir fram og til baka.. Það var þó nokkur bunga á miðjum stígnum sem orsakaði halla hvoru megin en mér tókst að halda mig svolítið á miðjunni.. halli er mjög slæmur fyrir grindarlosið hjá mér.. veðrið gott.. ég sá 2 birni í húsagarði hinu megin við götuna.. ég hélt að enginn annar í hlaupinu hefði verið svo ,,heppinn".. en amk ein kona sá þá.. veit ekki hvort þeir sáu mig.. en annar þeirra, sennilega Yogi endaði á verðlaunapeningnum..

Maraþon nr 271 í dag,
strava mældi leiðina 43,4 km
Alaska.. tékk
4 fylki eftir í 3ja hring um USA

Hreyfing í júlí 2023

Ég er ein af þeim sem er strax búin að gleyma veðrinu.. hvort það var gott eða vont.. ég var viku í afleysingum á Tálknafirði, sem hafði aðeins áhrif á hvað ég gat hreyft mig mikið, en við Vala vorum á ferðinni bæði að hjóla og hlaupa og svo tókum við systur spjöld í ratleiknum.. Í lok mánaðarins fór ég hraðferð til Alaska og tók 2 maraþon. 

 3.júlí... Hjól 3,1 km, skokk 2x um Ástjörn 5,6 km og 3 km ganga í 3 spjöld
 5.júlí... Hjól 3 km og skokkað 2x kringum Ástjörn 6 km
 6.júlí... Hjólað með langömmustelpu og spjald við Ástjörn 5 km
 8.júlí... 3 spjöld, 5,8 km ganga
 9.júlí... Hjól ein, 18.2 km
10.júlí... Hjól 13.3 og skokkað 1x kringum Hvaleyrarvatn, 2 km, ég datt
11.júlí... Hjólað í spjöld með langömmubörnum, 12 km
12.júlí... Hjólað m/Völu 11,7 km

21.júlí... Hjól 10,8 km og 1x kringum Hval.vatn, 2 km, er góð
22.júlí... 1000m skriðsund með systrum
24.júlí... Hjólað með Völu, 12,4 km

25.júlí... Flug til Seattle
26.júlí... flug til Juneau í Alaska
27.júlí... Twin Lakes MM Marathon Juneau, 43,4 km
28.júlí... Twin Lakes MM Marathon, 44,99 km  og flug til Seattle
29.júlí... Næturflug heim
30.júlí... Komin heim
31.júlí... Hjólaði í rólegheitum um hverfið 6,7 km

Hreyfing í júní 2023

Ég held ég hafi aldrei farið út eins lítið undirbúin og núna.. enda kom það niður á mér. Ég ætlaði upphaflega að fara 6 maraþon en sleppti einu, þessu sem átti að vera nr 3. Hitinn var mikill og góðar brekkur og mér fannst betra að hætta við þriðja maraþonið en að byrja og hætta í miðju hlaupi.. Í vikunni á eftir fór ég maraþon 3 daga í röð og þá bólgnuðu fæturnir á mér upp eftir legg.. og var sýnu verri ökklinn sem ég braut fyrir 2 árum.. síðan uppgötvaðist heima að þetta var svona slæm sinaskeiðabólga, það marraði í vöðvanum framan á fætinum.


 1.júní... Fair Hills Marathon, Elkton MD, 44.71 km

 8.júní... Toonerville Trail Marathon, Springfield VT,  43,2 km
 9.júní... Marathon Monadnock Park, Claremont NH,  43,96 km
10.júní... Marathon í Sanford, ME  43,16 km

11.júní... flug heim
14.júní... hjólaði að Ástjörn (3km) og skokkaði 1 hring (3 km)
16.júní... 1000 m skriðsund með systrum
22.júní... Hjól 3 km og skokkaður 1 hringur í kringum Ástjörn 3km
24.júní... Hjól 12,2 km og 2 hringir skokk kringum Hvaleyrarvatn (4,2 km)
           við systur tókum 3 spjöld í ratleiknum, ganga 5,2 km
26.júní... Hjól 3 km og skokkaðir 2 hringir um Ástjörn (5,6 km)
28.júní... Hjól 12,4 km og skokk 2x Hvaleyrarvatn 4,3 km
30.júní... 2 spjöld í ratleiknum, ganga 3 km